PP, 191

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini M°CC°LXXXX sexto, indictione nona, die quinto intrante octubri, Tridenti ante domum abitacionis infrascripti domini Siboti, presentibus domino Conrado plebano Pai, Bertoldo notario filio mei notarii infrascripti, Iacobino Castrono monaco Sancte Marie et aliis testibus. Ibique domina Gertruda uxor condam Conradi Soanerii de Ultimo refutavit in manibus domini Siboti presbiteri, prioris et provisoris eccllesie Sancti Nicolay iusta Tridentum et pro ipsa eccllesia et ospitale ipsius eccllesie, omne suum ius, raciones et acciones reales, personales, speciales, corporales et incorporales, utiles et directas, que et quas habet et posset habere pro se et a dicto Conrado eius viro in una pecia terre partim aratorie et partim vineate iacenti iusta Tridentum in loco ubi dicitur Buna, cui choeret ab una parte Antonius de Sardagna, ab alia parte via communis, a tercia et quarta parte nemus et terra Sancti Nicolay et forte alie sunt coherentes, quam refutacionem ei fecit ad hoc quod investire debeat Conradum piliçarium filium Conradi piliçarii de Cirlenstal de predicta pecia terre vineate et campive ad usum et consuetudinem domorum mercatus Tridenti cum omnibus suis iuribus, ad fictum persolvendum omni anno predicto domino Siboto pro dicto ospitale et pro dicta eccllesia Sancti Nicolay sex starios de sale grossa bona et pulcra ad mensuram et starium tridentinum omni anno in quolibet festo sancti Michaelis aut in octava secundum quod actenus predicta Gertruda et condam eius vir Conradus facere consueverant; pro qua refutacione confessa et manifesta fuit predicta Gertruda recepisse et abuisse quinque libras denariorum veronensium parvorum et unam libram piperis, renunciando exceptioni non abite et recepte pecunie et non abiti et recepti piperis, et in se habere dixit tempore contractus. Promisit insuper dicta Gertruda per se suosque heredes predicto Conrado pro se et suis heredibus predictam refutacionem semper firmam et ratam habere et tenere et eidem Conrado utile dominium predicte pecie terre ab omni contradicenti persona cum racione defendere et warentare sub pena dupli tocius dampni et stipendii in quo posset evenire, sub obligacione omnium suorum bonorum que habet et aquistaverit et per eum se poscidere manifestavit. Unde predictus dominus Sibotus, tanquam provisor et administrator predicti ospitalis et eccllesie predicte Sancti Nicolay et pro ipsa eccllesia et predicto ospitale, investivit predictum Conradum pro se et suis heredibus de predicta pecia terre partim aratorie et partim vineate ad locacionem perpetuam secundum usum et consuetudinem domorum mercatus Tridenti ad abendum, tenendum et poscidendum et ad omnem eius utilitatem faciendum cum omnibus suis iuribus et racionibus in integrum dicte pecie terre pertinentibus, ad eundem fictum perpetuum persolvendum videlicet sex starios salis grosse in quolibet anno et in quolibet festo sancti Michaelis aut in octava sub pena dupli, tali modo et pacto quod si non solverit ad terminum quod indupletur et si non solverit in secundo anno quod similiter indupleatur, et si non solverit per trigenium quod cadat de omni suo iure dicte locacionis in dictum locatorem pro dicta locacione et ospitale predicto et tamen fictum retentum solvere teneatur de dictis tribus annis preteritis non solutis, super suis bonis inde pignori obligando; et licitum sit dicto condutori ius suum vendere, donare, pro anima iudicare cui voluerit excepto eccllesiis, militibus, potenti viro, servo, famulo vel tali persone que posset inpedire dictum fictum predicto locatori, et si ius suum vendere vellet primo denunciare debeat dicto locatori, et si emere voluerit infra XV dies post denunciacionem ei factam ei dare debeat pro XX solidis minus quam aliis personis, et si emere noluerit infra dictos XV dies postea vendat cui voluerit excepto suprascriptis personis exceptatis, dando semper dicto locatori unam libram piperis pro omni nova confirmacione in alium emptorem, ad hoc quod alia superinposita non fiat inter eos, et salvis semper omnibus iuribus predicti ospitalis et locatoris predicti. Insuper predictus dominus Sibotus, tamquam provisor et administrator predicti ospitalis et eccllesie predicte et pro dicto ospitale et eccllesia predicta et pro suis sucessoribus, stipulacione promisit predicto Conrado pro se et suis heredibus predictam peciam terre cum omnibus suis iuribus pro directo dominio ab omni contradicenti persona cum racione defendere et varentare sub obligacione omnium bonorum predicti ospitalis et eccllesie predicte, et dedit ei Conrado verbum et licenciam sua autoritate intrandi tenutam et corporalem possessionem.

Ego Thomasius filius condam Hermani tabernarii domini Federici imperatoris notarius interfui et rogatus scripsi.