PP, 183

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini millesimo CC°LXXXX primo, indicione IIIIa, die lune VIII intrante octobri, Tridenti in domo infrascripti locatoris, presentibus Almerico de Terlacu qui nunc moratur Tridenti, Tridentino condam Bontempi de Cadeno et Adelpreto filio Monaçi de Garniga et aliis testibus. Ibique Degelvardus carpentarius et eius uxor Richenda refutaverunt et resignaverunt in manibus domini Syboti presbiteri tamquam rectoris et aministratoris Beati Nicolay, recipientis pro se et dicta ecclesia et suorum successorum, unum vineale iacens in pertinenciis Tridenti ad Sanctum Nicolaum predictum, cui choeret versus mane de subtus strata publica et a capite versus meridiem dictus Almericus, et ab alio capite et latere dossus de Sancto Nicolao et forte alie sunt choerentie, cum omnibus suis pertinenciis, rationibus et actionibus, cum introytu et exitu seu cum superioribus et inferioribus suis dicto vineali in integrum pertinentibus, de quo vineto solvitur et datur ipsi domino Syboto recipienti pro se et dicta ecclesia Sancti Nicolay VII solidos denariorum veronensium parvorum omni anno in festo sancti Michaelis ficti perpetualis secundum usum et consuetudinem domorum mercati Tridenti; ad hoc fecerunt dictus Degelvardus et eius uxor Richenda dictam refutationem et resignationem de dicto vineto in dictum dominum Sybotum ut ipse dominus Sybotus, pro se et tamquam rector et aministrator dicte ecclesie et suis successoribus, de dicto vineto investire debeat dominam Avinantem uxorem Omedei de Faio in se et suis heredibus ad predictum fictum annuatim solvendum ipsi domino Syboto tamquam legiptimo administratori et rectori dicte ecclesie et eidem ecclesie et suis successoribus secundum usum predictum. Pro qua vero refutatione et resignatione dicti Degelvardus et eius uxor Richenda refutatores confessi et manifesti fuerunt se habuisse et recepisse a dicta domina Avinante X libras et dimidias denariorum veronensium parvorum, renuntiando exceptioni non date numerate et in se habite peccunie tempore contractus et exceptioni doli mali accionis et in factum pacti et conventi, et promiserunt dicti iugales et convenerunt per stipulationem sub obligatione omnium suorum bonorum presentium et futurorum per se et suos heredes dicte domine Avinantis pro se et suisque heredibus et cui dederit dictum vineale ut superius dictum est de cetero ab omni persona cum ratione defendere et varentare et expedire si ei impediretur quantum pro utili dominio in pena dupli dampni et expendii et interesse in quo vel in quibus venerit tempore evictionis exstimandi, et secundum quod res pro tempore fuerit meliorata aut valuerit sub exstimatione bonorum virorum vel in consimili loco, et per eam se possidere manifestaverunt vel quasi eiusque interdicto statim desierunt possidere vel quasi. Hoc facto ibidem incontinenti dictus dominus Sybotus presbiter, tamquam rector et legiptimus administrator dicte ecclesie, pro se suisque successoribus et pro dicta ecclesia, nomine locationis in perpetuum secundum usum et consuetudinem domorum mercatus Tridenti, investivit predictam dominam Avinantem, recipientem pro se suisque heredibus, de dicto vineali ut superius dictum est cum omnibus suis pertinenciis, rationibus et actionibus, cum introitu et exitu seu cum superioribus et inferioribus suis dicto vineali ut superius dictum est in integrum pertinentibus, tali vero modo et pacto quod predicta domina Avinante conductrix et cui dederit dictum vineale ut dictum est de cetero habere et tenere debeat sine contradictione dicti domini Syboti et suorum successorum dicte ecclesie omniumque aliarum personarum, ad predictum fictum solvendum ipsi domino Syboto et suis successoribus et dicte ecclesie de dicto vineali omni anno in dicto festo sancti Michaelis octo diebus ante vel octo post, et si dicta domina Avinante conductrix dictum fictum non solverit in primo anno indupletur, et si steterit per bienium quod non solverit dictum fictum cadat ab omni suo iure dicte locationis et nichilominus ipsum fictum retentum solvere teneatur, et liceat dicte conductrici et suis heredibus suum ius vendere, donare, pignori obligare et pro anima iudicare, salvo eo tantum quod si dicta conductrix suum ius vendere voluerit, primo denunciare debeat dicto locatori vel suis successoribus et eis emere voluerint minori precio XX solidis veronensium parvorum dare debeant quam alii persone, et si emere noluerit infra XV dies postquam eis fuerit denunciatum vendat postmodum cui voluerit exceptis ecclesie, servo, famulo, potenti viro, locis religiosis vel talibus personis que fictum impediat locatori, habendo locator unam libram piperis pro omni nova confirmatione in alium emptorem facta, nulla alia superimposita inter eos fieri debeat. Et promissit dictus dominus Sybotus pro se et tamquam rector et legiptimus administrator dicte ecclesie et pro ipsa ecclesia et suis successoribus et convenit per stipulationem sub obligatione omnium suorum bonorum pressentium et futurorum et dicte ecclesie dicte domine Avinantis conductrici pro se et suisque heredibus et cui dederit dictum vineale de cetero ab omni persona cum ratione quantum pro directo dominio defendere et varentare et expedire si ei vel eis impediretur in pena dupli dampni, dispendii et interesse in quo vel in quibus venerit tempore evictionis exstimandi et secundum quod res pro tempore fuerit meliorata aut valuerit sub exstimatione bonorum virorum vel in consimili loco, et per eum se possidere constituit et manifestavit eiusque interdicto statim desiit possidere, et dedit ei conductrici verbum et licenciam sua auctoritate intrandi tenutam et corporalem possessionem dicti vinealis quandocumque voluerit.

Ego Terlacus filius domini Henrici de Supramonte sacri palacii notarius interfui et rogatus scripsi.