PP, 182
Data: 1291-01-24 - 1291-01-24 (Stile della Natività)
Tipologia di manuscritto: Charta
Autenticità: Autentico
Integrità testuale: Completo
Trasmissione: Pergamena singola
Tradizione: Originale
Luogo di conservazione: Trento, Archivio Diocesano Tridentino, AP, tomo I, n. 105
Edizioni
Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.
Testo
(SN) Anno Domini millesimo CC° nonagessimo primo, indictione IIIIa, die mercurii XXIIII° intrante ianuario, Tridenti in contrata Atacis in domo habitationis infrascripte Odowige, in presentia Bonfanti de Pionte de valle Lagaris, Fedate de Castellano habitatoris Tridenti, Tridentini filii Garoserii becarii de Tridento et alliorum testium rogatorum. Ibique Odowiga uxor magistri Aincii cerdonis suprascripti qui fuit de Vança laudavit, ratificavit et aprobavit sereno vultu et leto zello et plano animo refutationem et resignationem factam per dictum Aincium eius maritum in dominum Sibotum presbiterum et rectorem ac provisorem ecclesie et capelle Sancti Nicolai de Tridento de una pecia terre aratorie et vineate iacenti in pertinentiis Tridenti ubi dicitur ad Costam cum coherentiis suis secundum quod in carta refutationis scripta manu mei notarii continetur, quam refutationem fecit predictus Aincius precio L librarum veronensium parvorum a Belina de Nomio, receptis ad hoc ut ipsa Belina investiatur a dicto domino Siboto et filii ipsius asserens dicta Odowicha predictam peccuniam in eius utilitatem versam fore, renuntiando auxilio senatus consulti Velaiani et iuri ypothecarum et antiquo iuri retia et autentice «Si qua mulier» omnique alio suo iuri dotis et donationis, basature et quartesii ex certa scientia a me notario certiorata diligenter renuntiavit, dicens et confitens se de cetero in dicta pecia terre aratorie et vineate resignate nullum ius habere ulla de causa, et si quod haberet totum in dictam Belinam de Nomio cessit, dedit, tradidit et mandavit, promittens eam Belinam de cetero non inquietare in dicta terra aratoria et vineata de qua est investita per dominum Sibotum presbiterum, rectorem et provisorem ecclesie et domus Sancti Nicola de Tridento, sub obligatione bonorum suorum et ypotheca suarum rerum.
Ego Delavancius de Tridento sacri palatii notarius huic interfui et rogatus scripsi.
Elementi associati
| Località | Ruolo | Testo | Note |
|---|---|---|---|
| Trento, casa di Odowiga in contrada Adige | Luogo di redazione | Tridenti in contrata Atacis in domo habitationis infrascripte Odowige |