PP, 164

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini millesimo CC°LXXXIIII°, indicione XIIa, die sabati XIIIIa intrante octobri, in Tridento in hora Sancti Petri ante domum habitacionis infrascripti locatoris, presentibus Pasio condam domini Henrici de Dro, magistro Ancio de lignamine, Nicolao qui dicitur Fassa qui moratur cum fratribus, domino Dominico presbitero, Bertoldo fabro qui moratur in hora Sancti Petri testibus rogatis. Ibique domina Benevenuta uxor condam Pelegrini filii condam domini Henrici de Dro et Antonius eius filius et filius condam dicti Pellegrini insimul refutaverunt in dominum Sybotum presbiterum et provisorem domus et hospitalis Sancti Nicolay unam peciam terre cum vineis iacentem in pertinentiis Coste ubi dicitur ad Fontem, cui coheret ab uno latere Petrus a Rotis, superius ab uno capite molendinum Sancti Nicolay cum rivulo, inferius a latere est via publica, ab alio capite via publica, de quo vineale solvitur et reditur dicto hospitali Sancti Nicolay omni anno in festo sancti Micahelis medium plaustrum vini de ficto perpetuali. Ad hoc fecerunt dictam refutationem in dictum dominum Sybotum provisorem, quod ipse investire debeat Iohannem condam Martini de Flordiana de Dro de dicto vineale, pro qua vero refutatione predicta domina Benevenuta et Antonius refutatores confessi et manifesti fuerunt se accepisse et habuisse LXVIII libras denariorum veronensium parvorum a dicto Iohanne, renunciando exceptioni non numerate et accepte pecunie. Unde incontinenti iamdictus dominus Sybotus, tamquam provisor dicti hospitalis et pro dicta domo Sancti Nicolay, nomine locationis et conductionis imperpetuum ad usum et consuetudinem domorum mercati Tridenti investivit dictum Iohannem de dicta pecia terre cum vineis cum omnibus accessibus et ingressibus, usanciis et pertinenciis et mensuris, iuribus et accionibus inferioribus et superioribus, intus et extra suis undique partibus dicte pecie terre cum vineis in integrum pertinentibus, ad habendum, tenendum et possidendum et quicquid dicto conductori deinceps placuerit perpetuo faciendum g), scilicet vendere, donare, pignori obligare et pro anima iudicare cui voluerit preter ecclesiis vel servis aut potenti viro, sed tali persone que fictum infrascriptum locatori non impediat, dando et solvendo dictus conductor dicto provisori vel eius successoribus omni anno annuatim in festo sancti Micahelis vel in octava medium plaustrum boni vini albi de vasa pro ficto dicti vinealis, tali modo et pacto quod si dictus conductor non solverit dictum fictum in primo anno indupletur, et si non solverit in secundo anno dictum fictum cadat ab omni suo iure dicte locationis, et si dictus conductor ius suum vendere voluerit, primo dicto locatori debeat denunciare et ipse locator infra XV dies post denunciationem sibi factam sit consultus si ipse voluerit emere et in se retinere quod debeat ipsum habere pro XX solidis veronensibus minus quam alia persona, et si emere noluerit nec in se retinere postea dictus conductor vendat cui voluerit exceptis suprascriptis personis salvo iure ficti dicti locatoris, et dictus locator debeat confirmare locationem in alium emptorem habendo I libram piperis pro nova locatione facienda. Quam vero locationem et refutationem et venditionem predicta domina Benevenuta et Antonius quantum pro utili dominio dicte pecie terre per se et eorum heredes et iamdictus dominus Sibotus locator quantum pro directa proprietate per se et eorum successores per stipulationem promiserunt dicto Iohanni semper et perpetuo firmam et ratam habere et tenere et nullo iure contravenire sed ab omni impedienti persona defendere et warentare, et dederunt ei verbum intrandi tenutam. Et insuper dictus Antonius corporaliter ad sancta Dei evangelia iuravit omnia firma et rata habere et cetera.