PP, 161

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

Anno Domini millesimo CC°LXXXII°, indicione Xa, die iovis VIII intrante octubri, in Tridento in porticu magistri Ropreti a Cultelis, in presentia domini Abriani notarii, Iohannis Affurno, Olvradini de Po, domini fratris Bertolini prioris Sancte Crucis testium ad hoc rogatorum et convocatorum et aliorum. Ibique dominus Nicolaus de Coredo habitator Tridenti staçonerius iure et nomine refutationis in perpetuum secundum usum et consuetudinem domorum mercatus Tridenti refutavit et resignavit in dominum Sibotum tamquam provisorem, rectorem et aministratorem et defensorem ut dicitur ecclesie ospitalis de Sancto Nicolao de infirmis de prope abatia de Tridento omne suum ius, rationes et actiones in integrum quam ipse habet vel habere erat visus et fuerat in uno vinealli iacenti ad Muraltam, cui choeret ei ab una parte dictus conductor, ab alia parte dominus Marchelinus de Gardelis, de supra Bonanot et de subtus via communa et forte alie sunt choerentie, de quo vineali ipse solitus erat solvere annuatim in calendis marcii vel octo diebus ante aut post unam crateram ollei ad crateram tridentinam secundum usum et consuetudinem domorum mercatus Tridenti, et promisit idem dominus Nicolaus eidem domino provisori dictam reffutationem et resignationem per se et eius heredes recipienti pro se et successoribus suis semper in perpetuum dictam reffutationem et resignationem firmam et ratam habere et tenere et nullo iure vel ratione contravenire sub obligatione omnium suorum bonorum presentium et futurorum, cum omnibus dampnis et expensis reficere, pro qua vero reffutatione et resignatione idem refutator confesus et manifestus fuit se recepisse et habuisse a magistro Otone barberio XIII libras veronensium parvorum de omni suo iure ipsi vineali ei pertinenti et ad dictam refutationem, renuntiando exceptioni non numerate, recepte, tradite sibi pecunie tempore istius contractus et omni doli mali accionis generalis et in factum pacti et conventi et omni legum auxilio sibi in hoc competenti et competituro, et promisit ipse refutator per se et eius heredes ipsi magistro Otoni barberio et cui dederit semper in perpetuum dictum vinealle quantum utille dominium defendere et warentare ab omni inpedienti persona cum ratione per stipulationem sub obligatione omnium suorum bonorum presentium et futurorum, que pro ipso Otone se precario nomine possidere constituit et ex eiusque interdicto desiit possidere, et ad hoc fecit ipse reffutator dictam refutationem in dictum dominum Sibotum nomine ac vice dicti loci, rogando quod ipse investire debeat predictum magistrum Otonem barberium de dicto vineali, solvendo dictum fictum annuatim in dicto termino in suprascripto locatori. Unde iure et nomine locationis in perpetuum secundum usum et consuetudinem domorum mercatus Tridenti idem dominus Sibotus provisor predicti loci ut superius continetur investivit predictum magistrum Otonem barberium recipientem pro se et eius heredibus et cui dederit de dicto vineali cum omnibus suis iuribus, rationibus et actionibus, cum introitibus et exitibus suis, cum superioribus et inferioribus suis ipsi vineali in integrum pertinentibus, taliter quod ipse conductor et sui heredes et cui dederit habeant, teneant, quiete possideant ipsum vinealle in perpetuum et quod possit eum vendere, donare, alienare, pignori obligare, pro anima et corpore iudicare et totam suam voluntatem et hutilitatem facere sine omni contradictione dicti domini locatoris et eius successoribus vel alterius persone inpedimento, dando et solvendo idem conductor predicto locatori vel successoribus suis annuatim in calendis marcii vel eius octava ante vel post unam galedam ollei ad galedam tridentinam, et si non solverit eum fictum in primo anno indupletur et in secundo anno redupletur, et si non solverit in tertio anno cadere debeat idem conductor ab omni suo iure dicte locationis cum omni suo melioramento, eo salvo quod si ipse conductor vel eius heredes et cui dederit ius suum dicte locationis aliquo tempore vendere voluerit, primo denuntiare teneatur ipsi domino locatori vel successoribus suis per XV diebus ante, et facta ei denuntiatione pro dictis XV diebus et ipsi emere volenti dare teneantur ei pro XX solidis minus denariorum parvorum de eo quod ab aliis personis habere potuerint in veritate, et emere nolenti vendat postea cui velit exceptis servis, famulis, ecclesiis et potentibus viris, sed talibus personis que bene persolvant dictum fictum predicto locatori vel provisori suo eius nomine, habendo libram unam piperis pro unaquaque nova confirmatione in alium emptorem factam et nulla alia vis vel superimposita inter ipsos locatorem et conductorem fyeri debeat. Et promisit idem locator per se et eius successores vice ac nomine predicti loci ipsi conductori recipienti pro se et heredibus suis et cui dederit semper in perpetuum dictam locationem ab omni persona cum ratione defendere et warentare dictam rem locatam et directum dominium sub obligatione omnium bonorum dicti loci presentium et futurorum, que pro eo nomine precario possidere constituit et ex eiusque interdicto desiit possidere, aut restaurationis talis rei presentis secundum quod res pro tempore fuerit meliorata vel plus valuerit sub exstimatione bonorum hominum in consimili loco, aud dampnum in duplum restituere cum omni suo dampno et interesse. Et dedit dictus dominus locator ipsi conductor verbum et licentiam intrandi in tenutam et possessionem predicte locationis, constituit se pro eo nomine possidere donec in tenutam et possessionem intraverit.

(SN) Ego Thomasius notarius sacri palatii rogatus interfui et scripsi.