PP, 113

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

Anno Domini millesimo ducentesimo quinquagesimo quarto, indictione XII, die mercurii XI intrante novembri, ante ecclesiam Sancti Nicolay, in presentia dominorum Iohannis de Bubus notarii, Beaquini de Tridento, Pellegrini de iuxta castrum, magistri Amdree, Witighi ferarii, Rubey eius filii pluriumque aliorum testium rogatorum. Ibique dominus presbiter Hemricus, provisor et amministrator dicte ecclesie Sancti Nicolay, presentibus fratribus et sororibus ipsius ecclesie tam sanis quam infirmis, videlicet fratre Bertoldo Stadello et Çanella sannis et Pellegrina, Rodegherio, Bochino, Floreta et Alecta, Spera, Richastamte, Verda, Berta et Primavera infirmis et eorum consensu et parabola omnium et simgulorum hore ad hos interrogati, fuit confessus et manifestus ad peticionem domini Iohannis de Rivo filii quondam Vivianni de Rivo presentis ibidem, quod ipse Iohannes et eius pater quondam Viviannus predictus et eorum antecessores tenuerunt et habuerunt et possederunt per cemtum annos et plus a dicta ecclesia Sancti Nicolay mamsum unum positum in villa de Meianno et eius territorio et pertinenciis, et quod ipsi hedificaverunt domum unam magnam muratam super dictum mamsum et ipsum satis melioraverunt sine dicta domo quam super ipsum hedificaverunt, romcamdo terram ipsius mamsi et super ipsum arbores fructifferos plamtando et quod ipsum mamsum habuerunt et tenuerunt ad fictum a dicta ecclesia secundum consuetudinem domorum mercati Tridenti imperpetuum, et quod ipse Iohannes de Rio illum habet et possidet et semper habuit et possedit post mortem dicti sui patris condam sicut dictus pater eius illum habebat ad fictum perpetuale secundum consuetudinem domorum mercati Tridenti pro septem stariis de frumento et septem stariis segale et duobus stariis surghi et duobus stariis de panicio et XIIII stariis de millio ad starium tridentinum et pro duabus urnis vini ad urnam tridentinam solvendis dicte ecclesie omni anno in sancto Michaele vel eius octavo, et pro duabus fugaciis vel duobus panibus et una spalla omni anno in sancto Stephano et dando comedere conducenti dictum fictum, et quod usque nunc ad plenum dicte ecclesie de dicto ficto et omnibus predictis fuerat satisfactum, et quod de dicta locatione dicti mamsi amtiquitus facte fuerunt carte et que fuerant perdite ita quod haberi non potuerant, quapropter non faciendo hanc locationem de novo sed potius locationem veterem predictam dicti mamsi confirmando et ad memoriam retinendam et quod ius cuiuslibet partis aliquo tempore perire non debeat cum memoria hominis labilis sit, et salvo melioramento dicte domus et aliud quod factum fuerat in ipsum mamsum, dictus presbiter Hemricus sicut provisor et amministrator dicte ecclesie, presentibus omnibus fratribus ac sororibus iamscriptis et eorum consensu et parabola, nomine ac vice dicte ecclesie pro se et eorum successoribus iterum nomine locationis imperpetuum secundum consuetudinem domorum mercati Tridenti investivit dictum dominum Iohannem de Rio in se et eius heredes et cui dederit nominatim de dicto mamso, ita ut ipse Iohannes eiusque heredes et cui dederit ipsum mansum cum omni iure et racione in integrum illi pertinenti habeat et teneat et quicquid velit faciat, scilicet vemdere, donare, pro anima iudicare, pignori obligare sine omni predicti presbiteri Hemrici et dictorum fratrum et sororum et eorum successorum contradictione, solvemdo ipse Iohannes iamscriptum fictum integre dicte ecclesie vel eius nuncio conductum et consignatum ad dictam ecclesiam omni anno in predictis terminis, dando dominus comedere conducenti dictum fictum, et si ita omni anno non solverit debet fictum induplare et si steterit per tres annos quod non solvat debet cadere ab omni suo iure. Et promisit dictus presbiter Hemricusu sicut provisor et amministrator dicte ecclesie pro se et dictis sororibus et fratribus et eorum successoribus et eorum consensu et parabola dicto conductori iamscriptum mamsum et dictam locationem ab omni persona in racione defendere et expedire aut dampnum in duplum ei restituere super bonis dicte ecclesie specialiter obligamdo, et si ipse conductor aliquo tempore suum ius vendere voluerit, domino ecclesie requirere debet et ei pro XX solidis minus dare quam alii persone si emere voluerit, et si infra quindecim dies emere distulerit vendat postea cui velit excepto potenti homini vel servo vel ecclesie, confirmante domino investituram tantum pro una libra piperis sine alia superimposita, et sic pro eo se possidere constituit, confitemdo quod inde bene erat in tenuta et possessione et in ea stetit per longum tempus ut dictum est superius.

(SN) Ego Obertus de Placentia notarius sacri palacii huic interfui et rogatus ita scripsi.