PP, 104

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini millesimo CCL secundo, indicione X, die V intrante iulio, Tridenti in palacio episcopatus, in presentia Iohannis de Bobus notarii, Arnoldi notarii, Rodulfi notarii et aliorum. Ibique, coram domino Alberto iudice et assessore domini Sedegerii de Tyto potestatis Tridenti, Iohannes de Rio ad sancta Dei ewangelia iuravit manifestare omnes terras et possessiones quas tenet ab ecclesia Sancti Nicolai et quo iure et qua racione detinet dictas terras et possessiones, qui dixit: «In primis teneo pro ecclesia Sancti Nicolai domum unam cum canipa et curtivo et cum prato et brolo prope positis, iacentem in vico in loco ubi dicitur a Rio, ab uno latere et ab uno capite filii condam Arnoldi, ab alia parte undique via; item ibidem de subtus domum unam peciam terre aratorie et sunt tria plodia, cui coheret ab utroque latere filii condam Arnoldi, ab uno capite via, ab alio fogarii domini episcopi; item unam peciam terre vineate videlicet vineale antiquum positum in loco fontane et est circa plodium unum, ab uno capite et ab uno latere filii condam Arnoldi, ab alio filii condam Çippi; item unam peciam terre plantatam cum vineis que est unum plodium et iacet a Fontana ad Brençum, ab uno latere et ab uno capite Bertoldus notarius, ab uno capite Maria Munda et Bertoldus; item ad Canalem unum plodium terre aratorie, ab uno latere via, ab alio Ligus filius condam Aymerici, ab uno capite Adeleta, ab alio via; item unum plodium terre ad Ursaium, ab uno latere habet Trintinus Pilosi, ab alio terra fogariorum, ab uno capite Martinus; item unum plodium terre ad Cançelerium, ab utroque latere fogarii; item unam peciam terre ad Castegnarum de Minudo, ab uno latere Tedaldus, ab alio Trintinus Pilosi; item unam peciam terre ad Busum, cui coheret ab uno latere Dolçanus Perçini et ab uno capite Bertoldus; item in Vignono unam peciam terre aratorie cui coheret ab uno latere Trintinus Pilosi, ab alio Adeleta; item in Gradiçola unum plodium terre aratorie cui coheret ab uno latere via, ab alio Peregrinus Iacobi; item ad Fontanam unam peciam terre aratorie cui coheret ab utroque latere Peregrinus Iacobi; item ad Fontanam unam peciam prati cui coherent ab omni parte filii condam Arnoldi; item unum pratum de duobus segatoribus ibidem, cui coheret ab una parte Trintinus Pilosi et Iohannes de Rio, ab alia Martinus et Bertoldus segadorius; item unam paludem que est unum plodium iacentem ad Rium, cui coheret ab uno latere Ligus filius Aymelrici, ab alio Trintinus Pilosi; item de supra rivam unam peciam terre prative que dat circa unum plaustrum feni, cui coheret ab uno latere Trintinus domine Ravenne, ab alia parte undique commune; item unum pradestellum positum a Prademalga cui coheret ab uno latere commune, ab alio Bertoldus notarius, ab uno capite domina Adeleta; item dimidium casale positum in castro Meiani, cui coheret ab uno latere Dolçanus filius Perçini; item duas partes decem castegnariorum salva racione pluris positis ad Fassalonga, quos habeo pro indiviso cum Bursella et Olvradino. Et aliud non teneo pro ecclesia Sancti Nicolai et in aliquo non subiaceo illi ecclesie, nisi quia solvere teneor eidem ecclesie de suprascriptis terris et possessionibus infrascriptum fictum perpetualiter omni anno, videlicet VII staria tridentina frumenti et VII staria tridentina de siligine, et duo staria tridentina de panicio et duo staria tridentina de surgo, et XIIII staria de millio et duas urnas tridentinas vini albi de vasa, et unum amisserum videlicet duos panes et unam spallam de porco omni anno in festo sancti Stefani et predictam blavam et vinum omni anno in festo sancti Michahelis; et debeo conducere dictum fictum ad domum Sancti Nicolai meis expensis et meo periculo et illi de Sancto Nicolao dare debent prandium conducenti dictum fictum, et dictum fictum solvere consuevi ego et condam pater meus et antecessores mei de predictis terris et possessionibus per LX annos et plus et per tantum tempus cuius non exstat memoria, et si non solverem omni dictum fictum bene debeo induplare dictum fictum, ego et mei heredes si per ipsos de Sancto Nicolao non remanserit».

Ego Otto sacri palacii notarius suprascriptam manifestacionem scripsi ipsamque auctoritate et precepto suprascripti domini Alberti iudicis et de consensu et voluntate suprascripti Iohannis de Rio, et eius iussu autenticavi et in publicam formam reddegi et signum meum apposui et rogatus me subscripsi.