PP, 73

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini millesimo CC quadragesimo, indictione XIII, die XIIII exeunte aprili, in Tridento in domo que fuit condam domini Riprandi Otorichi, in presentia Wiçardi sartoris, magistri Musii ferrarii de Vigulo, Trintini filii condam Çanelli de Marniga, Enrici filii Teçi eiusdem loci, Iohannis Caputauri de Primono, Iohannis filii condam Girardi de Terlaco, Bonora de Fornace, Enrici condam Tabladi de Terlaco. Ibique Odolricus filius condam Muri de Valena nomine vendicionis ad proprium pro libero et expedito allodio, pro precio XIIII librarum denariorum veronensium quas nomine finiti precii confessus fuit se accepisse a Roberto et Albertino fratribus, filiis condam domini Paganini de Terlaco, renunciando excepcioni non tradite peccunie, investivit predictos Robertum et Albertinum in se suosque heredes de una pecia terre vineate iacenti in pertinenciis de supra Muralta in loco de Narvogna, cui coheret ab utroque capite predictus venditor, ab uno latere dominus Odolricus de Cognola, ab alio via, tali modo ut de cetero dicti emptores et eorum heredes vel cui dederint predictam vendicionem habere et tenere debeant una cum ingressibus et accionibus et cum omnibus confinibus et coherenciis suis sibi in integrum pertinentibus, et exinde iure proprii quicquid voluerit tamquam de sua re propria faciant sine omni dicti venditoris suorumque heredum vel alterius persone contradictione vel repeticione, constituens eos emptores procuratores ut in rem suam propriam, et dedit eis Wiçardum qui ponat eum in tenutam et pro eis se possidere constituit et eorum interdicto desiit possidere, dando eis insuper licenciam sua auctoritate intrandi in tenutam vendicionis predicte, et si dicta vendicio duplum vel plus duplo predicto precio valeret de omni eo quod plus valeret, nomine donacionis inter vivos ut amplius revocari non possit dictos emptores investivit; preterea dictus Odolricus venditor cum stipulacione pro se suisque heredibus promisit et convenit et ad sancta ewangelia iuravit predictis Roberto et Albertino et eorum heredibus vel cui dederit predictam peciam terre cum vineis ab omni inpediente persona racionabiliter defendere et warentare, sub pena dupli dicte vendicionis secundum quod fuerit meliorata aut valuerit in extimacione bonorum hominum in consimili loco, tempore evictionis reficiendi stipulacione subnixa. Item suprascripto anno et indictione, die et loco, presentibus suprascriptis testibus; ibique predictus Robertus et Albertinus fratres, iure et nomine permutacionis et cambii, pro libero et expedito allodio investiverunt dominum Enricum presbiterum de Sancto Nicolao, recipientem vice et nomine pro predicta ecclesia et domo Sancti Nicolai et pro confratribus eiusdem loci et sororibus, de suprascripta pecia terre vineate iacenti in Narvogna, tali modo ut dictus dominus Enricus et eius successores predicti loci et confratres et sorores ipsam habere et tenere debeant cum ingressibus et accessibus et cum omnibus confinibus et coherenciis suis sibi in integrum pertinentibus, et exinde iure proprii quicquid voluerint faciant sine omni dictorum Roberti et Albertini suorumque heredum vel alterius persone contradictione; et dederunt ei licenciam sua auctoritate intrandi in tenutam et eius interdicto desiierunt possidere, promittentes insuper predicti Robertus et Albertinus cum stipulacione per se suosque heredes dicto domino Enrico et suis successoribus dicti loci predictam peciam terre in perpetuum ab omni inpedienti persona cum racione defendere et warentare, sub pena dupli dicte permutacionis secundum quod fuerit meliorata aut valuerit in extimacione bonorum hominum in consimili loco tempore evictionis reficiendi super bonis suis obligando; et econverso predictus dominus Enricus presbiter et provisor Sancti Nicolai Tridenti pro utilitate et melioramento predicte ecclesie Sancti Nicolai pro se et confratribus et sororibus suis, vice et nomine predicte ecclesie, nomine permutacionis et cambii investivit predictos Robertum et Albertinum in se suosque heredes de una galeta olei minus dimidiam caçam ficti, quod oleum predicti fratres predicte ecclesie consueti erant solvere annuatim et de proprietate unde solvebant dictum oleum, ipsos fratres Robertum et Albertinum nomine permutacionis et cambii investivit, ita et eo modo ut predicti Robertus et Albertinus et eorum heredes vel etiam cui dederint de cetero predictum fictum olei cum proprietate unde solvitur habeant et teneant, et exinde iure proprii quicquid voluerint faciant sine omni dicti domini Enrici suorumque successorum seu confratrum et sororum vel alterius persone contradictione, et dedit eis licenciam sua auctoritate intrandi in tenutam et pro eis se possidere constituit et eorum interdicto desiit possidere. Promisit quoque predictus dominus Enricus presbiter cum stipulacione pro se et vice et nomine predicte ecclesie pro se suisque confratribus et sororibus et per se suosque successores, sub obligacione bonorum dicte ecclesie, dictis Roberto et Albertino fratribus et eorum heredibus vel cui dederint predictum fictum olei cum proprietate unde solvitur dictum fictum in perpetuum ab omni inpedienti persona racionabiliter defendere et warentare sub pena dupli dicte permutacionis secundum quod fuerit meliorata aut valuerit in extimacione bonorum hominum in consimili loco tempore evictionis reficiendi stipulacione subnixa, renunciando dictus presbiter fori privilegio et beneficio ecclesiastico et «Si diligenti» et omni legum seu decretorum auxilio ei competenti. Postea vero suprascripto die, in palacio episcopatus, in presentia suprascriptorum testium. Ibique dominus Aldricus Dei gratia episcopus Tridentinus suprascriptam permutacionem et cambium benigne laudavit et confirmavit et suam auctoritatem et decretum interposuit.

Item suprascripto anno et indictione, die secundo intrante maio, apud domum infirmorum Sancti Nicolai Tridenti, in presentia Rodulfi notarii, Paxii eius cognati, Delavançii notarii, Omneboni de Castronovo et aliorum testium. Ibique Werrera et Olivella et Ella et Spera et Primera ac Willielmina et Adeleta nec non et Odolricus et Oswaldus et Iohannes Sina et Vivianus atque Odolricus de Tremono, omnes predicti infirmi et infirme, conversi et converse Sancti Nicolai predictum cambium et permutacionem et omnia suprascripta que dominus Enricus presbiter fecerat, laudaverunt et confirmaverunt et omnia suprascripta firma et rata in perpetuum habere et tenere promiserunt.

Ego Otto sacri palacii notarius hiis interfui et rogatus scripsi.