PP, 51

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini millesimo CCXXVII, indicione XV, die X exeunte decembri, Tridenti aput ecclesiam Sancti Nicolai, in cimiterio illius ecclesie, presentibus domino Girardo Tasca de Morio, Friderico filio Warinberti de Morio, Pelegrino molinario, Cortelaçio, Conrado teutonico, Bernardo et aliis testibus ad hoc rogatis. Ibique Fridericus filius condam domini Eremanni Bochelini refutavit in manibus Egenonis fratris ecclesie Sancti Nicolai, recipientis vice illius ecclesie et per se et omnes fratres et sorores tam pro infirmis quam pro sanis presentibus et absentibus, unum vineale iacens in Scleto retro castrum Tridenti de quo ipse fictum solvebat omni anno illi ecclesie duas galetas olei, promitens ille Fridericus illi Egenoni vice ecclesie semper omni tempore illam refutacionem firmam et ratam habere et tenere et nullo iure contravenire in pena dupli dampni in quo ecclesia venerit; tali modo refutavit dictum vineale in eo quod ipse investire debeat Poaçanum molinarium de ipso vineali. Hoc facto prefactus Egeno pro se et vice et nomine illius ecclesie et pro aliis fratribus et sororibus absentibus et verbo infirmorum presentium, silicet Odelrici et Dominici et domine Werere et domine Adeleite et domine Elice et Romane sororum hospitalis predicte ecclesie, et pro omnibus aliis infirmis et sanis absentibus, nomine locacionis in perpetuum ad usum et consuetudinem domorum mercatus Tridenti investivit Poaçanum molinarium de predicto vineali iacente in Scleto retro castrum Tridenti cum omnibus suis pertinentiis, racionibus et acctionibus, introitu et exitu et cum superioribus et inferioribus suis in integrum dicto vineali pertinentibus, choeret ei ab uno latere via et ab alio filia condam Mosti et ab anbobus capitibus dictus Fridericus et alii forte sunt choerentes, tali vero pacto quod ipse Poaçanus et sui heredes illud vineale aut cui dederint de cetero habere et tenere debeant et exinde quiquid voluerint faciant sine ulla contradicione locatoris et suorum successorum, ad fictum solvendum omni anno illi ecclesie et fratribus in kallendis marcii VIII diebus ante vel VIII post duas galetas olei, et si tunc fictum solutum non fuerit indupletur; alia superimposita inter eos fieri non debeat. Quod vineale dictus Egeno, vice et nomine illius ecclesie pro se et omnibus fratribus et sororibus infirmis et sanis illius ecclesie presentibus et absentibus et pro suis successoribus, promisit illi Poaçano et suis heredibus semper omni tempore ab omni persona cum racione defendere et warentare et expedire in pena dupli dampni in quo ipse conductor venerit tempore evictionis estimandi in conscimili loco. Licitum sit conductori suum ius vendere, donare, pro anima iudicare cuicumque voluerit excepto tali persone que fictum non inpediat, et si ipse conductor suum ius vendere voluerit, primum denunciare debeat fratribus ecclesie et eis pro XX solidis ad minus dare debet de eo quod ab alia persona sine fraude habere potuerit si emere voluerit, et si emere noluerint infra XV dies postquam eis denunciatum fuerit tunc vendat cui voluerit excepto tali persone que fictum non inpediat, dando locatori et confratribus illius ecclesie unam libram piperis pro omni nova confirmacione in emptore facta, et ita per eum se posidere manifestavit et per eius interdictum desiit posidere, et dedit ei dictum Pelegrinum molinarium qui ducat eum in tenutam. Preterea dictus Fridericus per se et suos heredes promisit ipsi Poaçano et suis heredibus si pro eo et culpa eius ei illud vineale inpeditum fuerit, defendere et warentare et expedire in pena dupli dampni in quo ipse venerit.

Suprascripto die, in domo domini Anbrosii, presentibus Ventura sartore, Pelegrino molinario, Baraterio et aliis. Ibique dominus Anbrosius sindicus et procurator ecclesie Sancti Nicolai vice illius ecclesie confirmavit et laudavit in predicto Poaçano suprascriptam locacionem et sibi placere dixit, et illud idem per omnia in eo confirmavit secundum quod superius continetur et vice illius ecclesie ei illam locacionem ab omni persona cum racione defendere et warentare promisit in pena dupli dampni in quo ipse conductor venerit. Unde due carte uno tenore scripte sunt.

Ego Stephanus sacri pallacii notarius interfui et rogatus scripsi.