PP, 57

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini millesimo CCXXX tercio, indicione sexta, die martis XII exeunte aprili, in Tridento in pallacio episcopatus, presentibus Oberto notario, Tridentino notario, Concio notario et aliis. Ibique coram domino Çordano, iudice constituto ad racionem faciendam per dominum Aldrigetum Dei gratia Tridentine ecclesie electum episcopum, in iure petit frater Iohannes monacus pro monasterio Sancti Laurencii cuius est syndicus a Ventura de Pelipariis pro se et Conrado fratre suo tres libras denariorum veronensium pro simplo et tres libras pro duplo de ficto trium librarum veronensium quod dicto monasterio dare tenentur fictum anuatim secundum consuetudinem domorum mercati Tridenti de terra posita iacenti in contrata Sancti Martini, qui Ventura pro dicto Conrado eius fratre fecit promisionem dicto fratri Iohanni recipienti pro dicto monasterio id quod ipse dixerit et fecerit in causa ista quod dictus Conradus eius frater firmum et ratum habebit et tenebit et id quod erit iudicatum adtendet super suis bonis. Quo facto dictus Ventura dixit pro se et eius fratre quod bene tenebant dictam terram ad fictum a dicto monasterio secundum consuetudinem domorum mercati Tridenti pro tribus libris anuatim, dicendo quod terminus solucionis istius anni transactus erat sed nolebat ei dare duplum sed symplum, sic unde prefatus dominus Çordanus iudex per sentenciam condemnavit dictum Venturam presentem pro se et eius fratre et confitente in dictis tribus libris pro simplo, salva racione dupli dandis et solvendis dicto fratri Iohanni pro dicto monasterio hinc ad medium mensis madii proximi, et statuit terminum hinc ad diem mercurii proximi ad finiendum super duplum.

Ego Bonamicus notarius sacri pallacii interfui et rogatus scripsi.