PP, 181

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini millesimo CC° nonagesimo primo, indictione IIIIa, die mercurii XXIIII intrante ianuario, in domo habitationis infrascripti domini Syboti provisoris et rectoris ecclesie Sancti Nicolai de Tridento que domus est apud dictam ecclesiam, in presentia Bonfanti de Pionte de valle Lagaris, Fedate qui fuit de Castellano habitatoris Tridenti, magistri Odorici de lignamine de Garniga, magistri Iohannis a Zesso de Luçelburgo, Viviani de Magnano filii condam Amigeti, Walterii de Çimono qui moratur apud castrum Tridenti et alliorum testium rogatorum. Ibique magister Aincius cerdo qui moratur in contrata Atacis de Tridento filius condam Odorici de Wanza refutavit et resignavit in manibus domini Syboti presbiteri, rectoris et provisoris capelle et ecclesie Sancti Nicolai de Tridento, omne suum ius et omnia sua iura, rationes et actiones realles et personales, generales et speciales, corporales et incorporales, tacitas et expressas, utilles et directas et mixtas que et quas habet vel ullo modo visus est habere iure vel causa ratione utillis dominii in una pecia terre aratorie et vineate iacentis in pertinentiis Tridenti in locum ubi dicitur ad Costam, cui coheret ab una parte et ab uno capite via publica, ab alia parte dominus Manuelus de Nomio, ab alio capite Mucius gener Iohannis Çuchelli de contrata Atacis de Tridento et forte alie sunt coherentie, cum omnibus iuribus, rationibus et actionibus, accessibus et ingressibus, viis, usanciis, mensuris, coherentiis, pertinentiis et tramittibus superioribus et inferioribus, intus et extra undique dicte pecie terre in integrum pertinentibus, eo modo et causa quod dictus dominus Sybotus presbiter, provissor et rector dicte capelle et ecclesie Sancti Nicolai de Tridento pro se et suis successoribus et pro dicta capella investire debeat Belinam uxorem condam Vilani de Nomio recipientem pro se et suis filiis, pro qua quidem refutatione et resignatione predictus magister Ainçius cerdo confessus et manifestus fuit et contentus stetit se recepisse et habuisse L libras denariorum veronensium parvorum a dicta Belina dante pro se et nomine ac vice filiorum suorum Boscheti, Bonfanti, Pelegrini et Diamante, renuntiando exceptioni non date, tradite et numerate peccunie et dolli malli pacti conventi et spe future numerationis, et dictam peccuniam bene in se habuisse dixit et manifestavit. Et ibidem incontinenti predictus dominus Sibotus presbiter tamquam rector et provisor capelle et ecclesie Sancti Nicolai de Tridento, pro se et suis successoribus nomine ac vice dicte capelle et ecclesie Sancti Nicolai, nomine locationis et conductionis in perpetuum ad consuetudinem domorum mercatus Tridenti investivit dictam Belinam de Nomio uxorem condam Vilani de Nomio recipientem pro se et nomine ac vice suorum filiorum Boscheti, Bonfanti, Pelegrini et Diamante et eorum et eius heredum nominatim de predicta pecia terre aratorie et vineate iacenti in pertinentiis Tridenti ad locum ubi dicitur ad Costam, cui coheret ab una parte et ab uno capite via publica, ab alia parte dominus Manuellus de Nomio, ab alio capite Mucius gener Iohannis Çuchelli de contrata Atacis de Tridento et forte alie sunt coherentie, cum omnibus iuribus, rationibus, actionibus, accessibus et ingressibus, viis, usanciis, mensuris, coherentiis et pertinentiis, tramitibus a), introitibus et exitibus superioribus et inferioribus, intus et extra undique in integrum dicte pecie terre locate pertinentibus, ad habendum, tenendum et possidendum ad fictum redendum et solvendum omni anno perpetualiter dicto domino Siboto rectori et provisori dicte capelle et ecclesie Sancti Nicolai et ipsius successoribus in festo sancti Michaelis vel in octava XVII staria rasa siliginis bone et sice ad starium tridentinum, et ipsum fictum conducere suis expensis omni anno in dicta domo ecclesie Sancti Nicolai vel in civitate Tridenti in domo ubi voluerit dictus dominus Sibotus locator, tali modo et pacto quod si dicta Belina conductrix non solverit dictum fictum in primo anno quod indupletur, et si steterit per duos annos quod non solverit dictum fictum quod cadat ab omni suo iure dicte locationis, recipiendo dictus dominus Sibotus canipam Tridenti seu mutam super se si in Tridento dictum fictum conduceretur, promittens dicta Belina conductrix solvere et satisfacere dicto domino Siboto presbitero locatori omnes expensas quas ipse faceret vel sustineret in luendo et exigendo predictum fictum sub obligatione et ypotheca bonorum suorum et suarum rerum, et si dicta Belina conductrix ius suum vendere vellet, primo denunciare debeat locatori predicto, et si emere voluerit eidem dare pro XX solidis parvorum minus quam alteri persone, et si emere nolluerit transactis XV diebus post denunciationem locatori factam liceat dicte Beline conductrici ius suum vendere cui voluerit excepto servo vel potenti viro vel tali persone que ius et fictum suum non impediat locatori predicto, habendo dictus locator unam libram piperis pro qualibet nova investitura facienda in alium emptorem et nulla alia imposita seu novitas fieri debeat inter eos. Quam vero locationem predictus dominus Sibotus presbiter, provisor et rector dicte capelle et ecclesie Sancti Nicolai de Tridento, ipse locator pro se et suis successoribus et pro dicta capella et ecclesia Sancti Nicolai predicti, promisit et convenit ab omni impedienti et contradicenti persona dicte Beline conductrici defendere, warentare et legittime expedire et auctorizare suis expensis propriis et expensis dicte capelle et ecclesie Sancti Nicolai predicti in pena dupli totius dampni et interesse in quo dicta conductrix eveniret si ei impediretur vel evinceretur aliquid de dicta locatione et re locata sub ypotheca et obligatione bonorum et rerum dicte capelle et ecclesie seu domus Sancti Nicolai prescripti, renuntiando dictus dominus Sibotus privillegio fori ecclesiastico, beneficio in predictis omnique exceptioni legum, decretalium et decretorum quibus posset contra predicta facere vel venire, constituendo dictus dominus Sibotus locator Fedatam de Castellano habitatorem Tridenti ipsius et dicte capelle et ecclesie nuncium et procuratorem qui ponat dictam Belinam conductricem in tenutam et possessionem corporalem de dicta locatione et terra locata. Et pro sic atendendo et observando omnia suprascripta et promisa predicte partes obligaverunt vicissim una pars alteri et altera alteri omnia sua bona mobilia et immobilia presentium et futurarum iure pignoris, et una pars pro altera et altera pro alia se possidere vel quasi manifestavit pro supradictis omnibus et singulis atendendis et observandis.

Ego Delavancius de Tridento sacri palatii notarius huic interfui et rogatus scripsi.