PP, I.27

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

Die martis primo intrante aprili, in curte scarie domini abbatis Sancti Laurentii posite de iuxta castrum Tridenti, in presentia presbiteri Grimaldi, Meraldi, Zachei de Dosso, Concii de Dosso et aliorum testium rogatorum. Ibique dominus Clericus abbas dicti monasterii ex una parte et Otto qui dicitur Spagnolus ex altera tale cambium inter se fecerunt, quia dictus Spagnolus dedit eidem domino abbati pro suo monasterio recipienti omne ius et omnem racionem quod et quam habebat vel habere posset in XIIII plodiis terre prative et plus et in tribus libris fictum quas ei inde solvit Rodulfus molinarius de Meço, qui tenet ipsam terram ab eo ad fictum, sicuti idem Otto ibidem dixit, que quidem posita est in contrata de Nave, cui coheret ut dixerunt *****************************************************************************************************************************************************************, ita ut ipse dominus abbas cum omni iure pro allodio habeat et cetera. Et promisit dictus Spagnolus defendere sub dupla super bonis suis specialiter obligando in racione ab omni persona. Et sic pro eo se possidere constituit, dando eidem licentiam sua auctoritate intrandi tenutam. Econtra dictus dominus abbas nomine cambii dicte terre dedit et assignavit eidem Spagnolo nominatim duos plodios et unam quartam terre aratorie posite in campangna de retro castro Tridenti, et si plus inventa fuerit, ab illa quam dedit Trentino Rubeo in eodem cambio persistat, et si minus inventa fuerit, quod dominus abbas debet illam ei supplere. Cui coheret ab una parte via, ab alia dictus Trentinus Rubeus, ab uno capite via, ab alio ****************************************, ita etcetera. Et promisit defendere super bonis dicti monasterii ab omni persona in ratione; et omnia sua iura et cetera. Et sic pro eo se possidere constituit, dando eidem licentiam intrandi tenutam. Promisit dominus abbas quod faciet confirmare suos fratres; et dictus Spagnolus promisit, quod faciet confirmare suam uxorem. Et constituerunt insuper Meraldum inter se, qui ponat ipsos in tenutam.