PP, 194

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini millesimo CCLXXXXVII, indicione Xa, die dominico tercio intrante martio, in monasterio Sancti Laurenci, presentibus Andrea filio domine Rose de contrata Atacis, Bavalino cocho domini abatis infracripti et Ordano eiusdem domini abatis portenario et aliis testibus. Ibique Rodeliabus frater condam magistri Gabardi de Garniga et morabatur Tridenti refutavit et refutationem fecit in manibus dom Gerardi abatis monasterii Sancti Laurencii de Tridento, presentibus suis confratribus et sencientibus silicet fratre Tridentino, fratre Nicolao, fratre Alberto et fratre Bonaventura converso, unam peciam terre vineate iacentem in pertinentiis Molinare, cui choeret ab una parte aqua Vele, ab allia parte de supra cingulum et heremitorium, ab uno capite via et forte alie sunt choerentie, cum omnibus suis confinibus et choerentiis et rationibus quam peciam terre cum vineis ipse Rodeliabus tenebat a dicto domino abate suprascripto, de qua solvebat et consuetus erat solvere dicto domino abati pro dicto monasterio XXV solidos denariorum veronensium parvorum omni anno in festo sancti Micahelis vel eius octava, ad hoc fecit dictus Rodeliabus dictam refutationem in dictum dominum abatem quod ipse dominus abas investire debeat Tridentinum textorem comorantem in contrata Sancte Marie maioris de Tridento condam Diatrici teotonici de dicta pecia terre cum vineis secundum quod dictus Rodeliabus refutator habebat et tenebat, pro qua vero refutatione dictus Rodeliabus refutator confessus et manifestus fuit se accepisse et habuisse XVIII° libras denariorum veronensium parvorum a dicto Tridentino renuntiando exceptioni non accepti et recepti denarii, et ibidem domina Angnes uxor dicti Rodeliabi et eorum filius Bertoldus consenserunt et laudaverunt predictam refutationem et omnia que in ea oportebit fieri; unde incontinenti iamdictus dominus abas dicti monasterii et pro ipso monasterio nomine locationis imperpetuum ad usum et consuetudinem domorum mercatus Tridenti investivit iamdictum Tridentinum in se et in eius heredibus de dicta pecia terre vineate iacenti ut superius dictum est cum omnibus suis accessibus et ingressibus, usanciis et pertinentiis, mensuris, iuribus et accionibus et iurisdicionibus inferioribus et superioribus intus et extra suis undique partibus dicte peccie terre in integrum pertinentibus ad habendum, tenendum et possidendum et quidquid dicto Tridentino et suis heredibus deinceps perpetue placuerit faciendum silicet vendere, donare, pigneri obligare, pro anima iudicare cui voluerit preter ecclesiis vel servis aut potenti viro sed tali persone quod fictum infrascriptum locatoris non impediat dando et solvendo ipse Tridentinus conductor vel eius heredes dicto domino abati vel eius successoribus omni anno in festo sancti Micahelis vel eius VIIIa XXV solidos denariorum veronensium parvorum, tali modo et pacto inter eos quod si non solverit dictum fictum primo anno indupletur, et si non solverit in secundo cadat ab omni suo iure dicte locationis, et si dictus conductor ius suum vendere voluerit primo locatori vel successoribus debeat denuntiare et ipse infra XV dies post denuntiationem sibi factam debeat esse consultus si ipse voluerit emere aut in se retinere, quod debeat eam habere pro viginti solidis minus quam alia persona, et si emere noluerit postea vendat cui voluerit exceptis suprascriptis personis salvo iure ficti dicti locationis, et dictus locator debeat dictam locationem confirmare in alium emptorem habendo unam libram piperis pro nova locatione facienda, nulla alia superinposita fieri inter eos debeant; quam vero locationem et refutationem predictus dominus abas per se et eius successores adque suprascriptus Rodeliabus refutator et venditor quantum pro dicta refutatione et venditione pro utilitate et melioramento dicte peccie terre cum vineis per se suosque heredes semper et imperpetuum firmam et ratam habere et tenere et non contravenire aliquo iure sive ingenio sed ab omni impedienti et contradicenti persona defendere et warentare et legiptime expedire promisit cum ratione omnibus eorum expensis propriis et sub obligatione omnium suorum bonorum presentium et locatiofuturorum et in pena dupli predicte rei vendite vel locate et refutate sicuti pro tempore fuerit meliorata aut plus valuerit in laude et exstimatione bonorum virorum in consimili loco, et dedit ei verbum et licentiam sua auctoritate intrandi tenutam et corporalem possessionem de dicta peccia terre vineate, et pro eo se possidere manifestaverunt vel quasi et duo instrumenta uno tenore scripta sunt.

Ego Marquardus sacri pallacii notarius hiis presens interfui et rogatus scripsi.