PP, 192

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

Anno Domini millesimo ducentesimo nonagesimo sexto, indicione nona, die dominico quarto intrante novembri, iuxta Tridentum in monasterio Beati Laurentii de iuxta Tridentum, presentibus Willielmo condam Laçari notario de Tridento, Mochato pischatore, Dominico dicto Pariono, Romano molinario dicti monasterii, Bertoldo de valle Ananie et Tura de Castelcorno testibus rogatis et aliis. Ibique Mutius gener condam Iohannis Çucheli de contrata Atacis reffutavit in dominum dumpnum Gerardum abbatem monasterii Beati Laurentii antedicti, recipientem pro se et nomine et vice dicti monasterii et successoribus ipsius, ac libere ressignavit unam petiam terre aratorie positam et iacentem iuxta Tridentum apud clausuram sive in capite clausure domini Iohannis iudicis de Cavedeno, cui coheret ab uno capite via communis et ab una parte Nicolaus filius Buffi portitoris, ab alia parte Omedeus et Thomassius fratres fabri et a capite Baselgani prout ibidem dictum fuit, cum omnibus suis iuribus, rationibus et actionibus, introitibus et exitibus, ingressibus et egressibus, ussantiis et requisitione seu cum superioribus et inferioribus ac omnibus et syngulis pertinentiis suis dicte petie terre in integrum pertinentibus et omne ius et melioramentum ac utille dominium quod habet et habebat et eidem competebat vel ullo modo habere ut eidem conpetere poterat in dicta petia terre aratorie, de qua solvitur et solvi debet ac sollitum est solvi pro ficto et nomine ficti annuatim in festo beati Mychaelis vel eius octava dicto monasterio duos starios tridentinos bone et pulcre syliginis et sine aliqua fraude conductos ad dictum monasterium omnibus exspensis et periculo conductoris, secundum ussum et consuetudinem locationum domorum merchatus Tridenti, et hanc reffutationem et ressignationem fecit dictus Mutius in dictum dominum abbatem ut ipse dominus abbas Delaydum condam Willielmi de Ziago ibidem presentem in se suosque heredes et cui daret ad dictum fictum annuatim dicto monasterio solvendum ut dictum est de dicta petia terre secundum ussum et consuetudinem domorum merchatus Tridenti investire deberet. Qua reffutatione et ressignatione ibidem facta dictus dominus abbas pro se et dicto monasterio ac successoribus ipsius presentibus confratribus suis, videlicet fratre Nicolao et Tridentino monachis et fratribus Alberto et Henrico conversis dicti monasterii et de ipsorum volluntate et verbo ac nomine et vice conventus et capituli fratrum dicti monasterii, nomine locationis imperpetuum secundum ussum et consuetudinem locationum domorum merchatus Tridenti investivit dictum Delaydum in se suosque heredes et cui dederit de dicta petia terre aratorie, ita silicet ut dictus Delaydus conductor eiusque heredes et cui dederit dictam petiam terre cum omnibus suis iuribus, rationibus et actionibus, ussantiis et requisitione, cum introitibus et exitibus, ingressibus et egressibus seu cum superioribus et inferioribus ac omnibus et syngulis pertinentiis suis eidem petie terre undique in integrum pertinentibus deinceps habeat et teneat et habere et tenere debeat et quicquid facere vellit faciat sine omni predicti domini abbatis eiusque successorum et dicti monasterii contradictione, solvendo quolibet anno in festo beati Mychaelis vel eius octava dicto monasterio duos starios bone et pulcre syliginis et sine aliqua fraude pro ficto et nomine ficti conductos ad dictum monasterio omnibus exspensis et periculo conductoris, talli modo et pacto ibidem habito et facto inter eos quod si dictum fictum non solveret ipse conductor omni anno ut dictum est, quod in primo anno induplari debeat ipsum fictum, secundo autem anno cadat et cadere debeat dictus conductor ab omni suo iure et ratione quod et quam haberet vel ullo modo habere posset in dicta re locata, et nichilominus ipsum fictum retentum et non solutum solvere teneatur et debeat super omnibus bonis suis ibidem specialiter obligatis; et si dictus conductor tempore aliquo ius suum vendere volluerit quod eidem liceat et possit, dominum primo requirere debeat et eidem denuntiare primitus teneatur et eidem emere vollenti pro XX soldis parvorum minus dare quam alicui alii persone, et si infra XV dies facta dicta requisitione et denuntiatione emere nolluerit et distullerit, postmodum vendat et vendere possit cui vellit exceptis servo, famulo, milliti, potenti homini vel talli persone et loco que dictum fictum non solveret vel impediret seu impedire posset, salvo semper ficto domino, et ipso domino investituram confirmante solum pro una libra piperis sine alia superimposita pro unaquaque nova locatione. Promissit quoque dictus dominus abbas stipulacione per se et dictum monasterium et successores suos dicto conductori recipienti pro se suisque heredibus et cui dederit dictam rem locatam quantum est pro dirrecto dominio et ipsius dirrectum dominium ab omni impedienti persona in ratione et cum ratione deffendere, vuarentare et legittime exspedire propriis exspensis et sub pena dupli dampni, disspendii et interesse dicte rei locate secundum quod pro tempore meliorata fuerit aut tunc plus valluerit seu restitutionis ipsius in consimili loco fatiende habita semper melioratione et ipsius vallentia exstimatione et conscilio bonorum hominum sub ypotheca et obligatione bonorum omnium dicti monasterii presentium et futurorum, et sic interdicto dicti conductoris dictam rem locatam statim possidere desiit vel quasi dominus abbas locator predictus et ipsius conductoris nomine et pro eo se possidere postea constituit vel quasi donec ipsius rei tenutam et possessionem apprehenderit corporalem quam eidem sua auctoritate apprehendere liceat quando vellit, et insuper ad cautellam dedit eidem conductori suprascriptum Romanum testem qui eundem in tenutam et possessionem de dicta petia terre locate ponat et induccat. Pro qua vero nova locatione dictus dominus abbas conffessus et manifestus fuit se habuisse et recepisse a dicto Mutio unam libram piperis renuntians exceptioni non habiti et non recepti ac non ponderati piperis predicti tempore huius contractus et dictam libram piperis in se bene habere dixit et confessus fuit tempore huius contractus, et ibidem dictus Mutius fuit confessus et manifestus se habuisse et recepisse a dicto Delayto pro dicta reffutatione et ressignatione sexdecim libras denariorum parvorum, renuntians exceptioni non habite et non recepte ac non numerate pecunie tempore huius contractus et dolli malli condicioni sine causa pacti conventi et in factum actioni omnique alii exceptioni et auxilio sibi conpetenti et conpetituro, et dictam pecuniam in se bene habere dixit et confessus fuit tempore huius contractus, promittens per stipulacionem per se suosque heredes dicto Delayto renuntianti pro se suisque heredibus et cui dederit predictam rem reffutatam et ressignatam quantum est pro utilli dominio et ipsius utille dominium semper ab omni impedienti persona in ratione et cum ratione deffendere, vuarentare et legittime exspedire propriis exspensis sub ypotheca et obligatione omnium suorum bonorum presentium et futurorum.

Postea die suprascripto, Tridenti ante domum habitationis dicti Mutii, presentibus fratre Alberto converso dicti monasterii et Romano suprascripto testibus rogatis et aliis. Ibique Lucia uxor dicti Mutii, presentibus ipso Mutio ac Delayto predicto, sponte et sereno vultu laudavit, confirmavit et ratifficavit suprascriptam reffutationem et ressignationem factam per suprascriptum eius virum de dicta petia terre aratorie et omnia et syngula suprascripta et sibi bene placere dixit tamquam versam in ipsius propriam utillitatem, promittens per stipulacionem se firmam et firma, ratam et rata imperpetuum habere et tenere et non contrafacere vel venire modo aliquo, ingenio seu causa, de iure vel de facto, per se nec aliquam interpositam personam sub ypotheca et obligatione omnium suorum bonorum presentium et futurorum, renuntians omni iuri suo et dotis et donationis, sue ypothece iuri et auxilio senatus consulti Veleyani et auctenticis illis «Sive a me sive ab alio pro me» et «Si qua mulier» et legi que incipit «Antique iurisdicionis retia» et generaliter omni alii exceptioni et legum auxilio sibi conpetenti et conpetituro, primo et principaliter per me Riprandum notarium infrascriptum de omni iure suo certiorata dilligenter et quid sibi conpetat ex predictis.

Item die suprascripto, Tridenti ante domum habitationis condam domini Manfredini, presentibus suprascripto fratre Alberto converso monasterii predicti et Bertoldo dicto de Nachu habitatore Tridenti testibus et aliis. Ibique Romanus suprascriptus dixit et contentus stetit mihi Riprando notario infrascripto quod dictum Delaytum in tenutam et possessionem de suprascripta petia terre aratorie possuerat et induccerat dando eidem de terra in manibus pro tenuta, de verbo et precepto domini abbatis prelibati.

(SN) Ego Riprandus sacri pallacii notarius filius domini Bonomi iudicis de Tridento predictis interfui et rogatus scripsi.