PP, 28

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini millesimo ducentesimo XVI, indictione quarta, die lune V intrante decembri, in cloustro monasterii Sancti Laurencii, presentibus Osmundo filio condam Alberti de Brixia, Bertoldo Tasca filio Milonis de Roubatasca, Ambrosio et Comite et aliis. Ibique dominus Amolpertus Dei gratia abbas monasterii Sancti Laurencii una cum consensu et voluntate atque parabola fratrum suorum, videlicet domini Iohannis domine Adeleite et domini magistri Grepi de Valxana, domini Lamfranchi et domini Alberti monachorum, investivit Petrum Novellum de Ripa nominative de toto vignalo in integrum quod idem Petrus habebat et tenebat a monasterio predicto iacentem in Spinedo, videlicet de illo quod ipse tenebat ad tercium vinum et de illo alio quod tenebat ab eis pro duobus stariis olei fictum et de illo toto quod Furmentellus et eius nepos tenebant ab eis ad tercium vinum et illud totum quod Girardus Warnerii de Ripa tenet ab eodem monasterio pro uno stario olei fictum iacentem in eadem contrata, quibus omnibus iamscriptis vignalibus coherent a tribus partibus eorum domini de Arcu, a quarta vero parte aqua que appellatur Varonum currit et pro parte quidam Adelpretus de Gaio, et forte alie sunt coerencie; quas vites omnes superius nominatas eidem Petro Novello dederunt, cesserunt et tradiderunt cum omni iure et accione et cum omnibus finibus, coherenciis et pertinenciis in integrum et cum dominio dictarum vitum toto sicut ad dictum monasterium pertinent et cum ficto dictorum Girardi Warnerii et Furmentelli et nepotis et cum tercio vino et cum decimis et racionibus in integrum, ita tamen quod prefati Gerardus Warnerii et Frumentellus et nepos de eodem ficto et iure toto et dominio vitum et terre teneantur respondere, subiacere, solvere et facere versus dictum Petrum Novellum in totum et per totum quemadmodum tenebantur eidem domino abbati et monasterio predicto, ita tamen quod prefatus Petrus et eius heredes et feminas et omnes ex eis descendentes habeant et teneant predictas vites cum terratorio et cum dictis racionibus omnibus a prefato monasterio et a domino abbate et fratribus iamscriptis et eorum successoribus ad husum et consuetudinem domorum mercatus Tridenti, ad fictum ex eis omnibus et pro iamscriptis racionibus omnibus eis persolvendum omni anno in festo sancte Marie cirialis vel in octava sequenti IIIIor galetas et I starium boni olei ad husum Tridenti ut dictum est, ita vero quod dictus Petrus et eius heredes ac proheredes et heredum heredes ad prefatum fictum persolvendum omni anno habeant et teneant predictas vites sine potestate vendendi vel alienandi, inpignare vero possint ad tempus et non in perpetuum si eis fuerit necessarium iudicare etiam libere valeant illis personis ex eis desendentibus et in Ripa habitantibus, ita quod ad macinatas dominorum aliquorum non perveniant, quod fictum debet solvi in Ripa nuncio monachorum iamscriptorum. Preterea dominus abbas una cum fratribus suis iamscriptis nomine monasterii promiserunt dicto Petro predictas vites et terratorium totum warentare et defendere cum racione ab omni parte et contradicenti persona sicut superius legitur in pena dupli tocius dampni et dispendii in quo evenerit tempore evictionis extimandi, et suprascriptus Petrus per se, suos heredes promisit eis dictum fictum persolvere omni anno ud dictum est et omnia iamscripta observare contra monasterium in racione, in pena dupli dampni et dispendii in quo ecclesia evenerit i) tempore evictionis extimandi, et fictum persolvere sub easdem vites, et si defficeret super tantis de aliis suis bonis quod dictum fictum valeat solvere et portare. Et dedit ei suprascriptum Tascam qui ducat eum in tenutam.

Ego Ercetus domini Federici Romanorum imperatoris notarius interfui et eorum rogatu scripsi.

Segue questa formula di autenticazione:

(SN) Ego Çaninus sacri pallacii notarius auctenticum huius exempli vidi et legi et ut in eo continebatur ita et in isto legitur exemplo, et ipsum de mandato et auctoritate domini Eganonis Dei gratia episcopi Tridentini fideliter exemplavi, meumque signum aposui et me subscripsi.