PP, 185

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) In nomine Christi. Anno Domini millesimo CC°LXXXXIIII, indicione VII, die XXI intrante maio, in Pedecastello in domo infrascripti domini abatis, pressentibus domino Bontempo presbitero de Sancto Georgio, Bono a Platea de Cadeno, Iacobino condam Cedulfaci eiusdem locii et aliis testibus rogatis. Ibique Montanarius de Cadeno fecit datam et refutationem in manibus domini Gerardi abatis monasteri Sancti Laurencii de Pedecastello vice et nomine suprascripti monasteri de una pecia terre aratorie iacenti in pertinenciis Cadeni in capite pontis, ab uno latere stratam, ab alio Bonaventura de Baselica qui moratur in Cadeno et a capite Omnebonus magistri de Cadeno, ab alio capite heredes condam Iohannis Balestri et forte alie sunt coherentie, quam peciam terre tenebat ad fictum a dicto domino abati et a dicto monasterio cum ficto solvendo omni anno dicto monasterio II staria tridentina de tali blado qualis terra portat in festo sancti Micaelis; tali pacto fecit dictam refutationem quod dictus dominus abas investire debeat Salvestrum peliparium de Cadeno ad usum et consuetudinem dicti monasteri; promisit per stipulacionem dictus Montanarius per se suosque heredes dicto domino habati pro monasterio dictam refutationem firmam et ratam habere et tenere sub obligatione omnium suorum bonorum pressentium et futurorum, pro qua refutatione confesus et manifestus fuit se accepisse et habuise a dicto Salvestro XI libras veronenses renuntiando exceptioni non date et numerate pecunie et dictam pecuniam iam in se bene habere dixit. Hoc facto suprascriptus dominus Gerardus habas suprascripti monasteri et nomine ilius monasteri Sancti Laurencii nomine locacionis ad usum et consuetudinem dicti monasteri investivit prenominatum Salvestrum de predicta pecia terre aratorie infra confines refutata in suprascripto domino abate et iuxit eum intrare in tenutam et possessionem sua autoritate, tali vero modo et pacto et ordine quod ipse Salvester et sui heredes et cui vel quibus dederit dictam terram locatam in perpetuum a dicto monasterio et a dicto domino Gerardo abati et a suis sucesoribus ad meliorandum et non peiorandum cum omnibus suis racionibus et acionibus, accesionibus, introytu et exitu et cum omnibus suis pertinenciis usque ad viam plubicam habeat et teneat ad fictum dandum et solvendum omni anno eidem locatori et suis sucesoribus pro suprascripto monasterio in festo sancti Micaelis II staria tridentina boni bladi de tali blado qualis terra portat, et si primo anno dictum fictum solutum non fuerit secundo anno indupletur et cadat a iure locacionis; liceat conditori ius suum vendere, donare, iudicare cui voluerit exceptis ecclesiis, ospitalibus, militibus, servis, famulis, iudeis et locis sive personis religiosis, set si suum ius vendere voluerit, primitus locatori et suis sucesoribus pro dicto monasterio denunciare debet et eis ad XX solidos minus dare debet de eo quod ab alia persona in veritate habere poterit, et si emere noluerit infra XV dies facta denunciacione dare poterit exceptis suprascriptis personis et lociis et taliter quod ipse locator et sui sucesores vice et nomine suprascripti monasteri habere debeat unam lipram piperis de unaquaque alienacione et investitura et presentare debet dictus conditor dictum fictum dicto domino abati vel suis sucessoribus ad monasterium predictum suo perricullo; et promisit dictus dominus Gerardus abas pro se, suis sucesoribus et pro dicto monasterio per stipulacionem dicto conditori pro se suisque heredibus et quibus dederit dictam rem locatam ab omni persona cum racione si pro facto ipsius monasteri impediretur et ipse Montanarius similiter per stipulacionem per se suosque heredes si pro suo negocio impediretur dictam rem locatam defendere et varentare et exspedire ab omni persona impediente seu contradicente, pro quibus omnibus atendendis et defendendis videlicet locator pro se et pro suis sucesoribus vice et nomine ipisus monasteri omnia sua bona et bona monasteri predicti et dictus Montanarius refutator pro suo negocio omnia sua bona presentia et futura ad pignus obligaverunt et per omnia se possidere manifestaverunt.

Ego Percewalis sacri pallacii notarius interfui rogatus et hanc cartam scripsi.