PP, 178

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) In Christi nomine. Anno eiusdem Domini M° ducentesimo octuagesimo nono, indictione secunda, die tercio intrante iunio, in Praxono aput domum Montenarii condam Delavancii, presentibus ser Delaito qui Teçius dicitur de Terçolaxio, Montenario predicto, Bonensigna notario de Flaono et Bonomo viatore de Monclaxico et aliis testibus. Ibique dominus Odoricus filius condam domini Guilielmi Badeche, tamquam sindicus et procurator domini dum Girardi Dei gratia abatis monasterii Sancti Laurentii de Tridento et fratris Bondii sui monachi et pro toto capitullo dicti monasterii et pro dicto monasterio et suis sucesoribus, nomine locationis in perpetuum secundum formam et consuetudinem domorum mercatus Tridenti investivit Paxium condam Bertoldi batilane de Terçolaxio in se suisque heredibus nominatim de una domo muri et lignaminis iacenti in villa Terçolaxii aput ipsum Paxium et aput viam communis, ita ut dictus Paxius et sui heredes et cui dederint dictam locationem cum omni iure, ratione et accione, cum introitibus et exitibus, cum superioribus et inferioribus intus et extra suis undique partibus in integrum pertinentibus habeant et teneant et quiquid velint faciant secundum consuetudinem consimillis locationis, solvendo et dando fictum dictus Paxius et sui heredes dicto monasterio et suo nuncio omni anno III solidos denariorum veronensium parvorum, solvendo dictum fictum in festo sancti Michaellis vel eius octavo, tali pacto si ita omni anno non solverit, in primo anno quod non solverit debet fictum induplare et in secundo anno quod non solverit ditum fictum cadat ab omni suo iure dicte locationis et solvat fictum retentum. Et promisit per stipulationem dictus dominus Odoricus sindicus et procurator dicti domini abatis et pro dicto monasterio et suis sucesoribus dictam locationem et omnia predicta infrascripta et singula semper et in perpetuum firma et rata habere et tenere et non contravenire aliquo modo vel iure sed ab omni persona in ratione defendere, warentare et expedire aut dampnum in duplum ei restituere sub obligatione omnium bonorum dicti monasterii presentium et futurorum.

Ego Hayncius de Monclaxico domini Henrici Tridentini episcopi notarius hiis omnibus interfui rogatus et scripsi.