PP, 176

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

In Christi nomine. «Ego Willielmus de Fraçeriis de Bergamo iudex et vicarius domini Mainardi Dei gratia ducis Karinthie, comitis Thyrolis et Goritie comitis nec non Tridentine ecclesie advocati, cognoscens super eo quod dominus Bonomus [........] administratorio nomine suorum filiorum iuravit [..........] Robasomerium molendinarium habatie monasterii Sancti Laurentii de ultra Atace de iuxta Tridentum tenutam forçare seu fortiasse datam dicto domino Bonomo nomine dictorum suorum filiorum super molendino et multura ipsius molendini iacentis in contrata pontis Atasis, iuxta molendinum domini Oberti Totii et communem viam et forte alie sunt choerentie, non dando nec respondendo dicto domino Bonomo de multure occasione dicte tenute, quare petebat a domino Bertoldo [.....] vicario curie Tridentine predecessore meo vicario in curia [.....] quod deberet constringere ditum Robasomerium ad dandum et solvendum multuram per eum receptam a masnentis seu a macinantibus dicti molendini et per eum recepturam de cetero occassione dicte tenute; ex adverso predictus Robasomerius iuravit dicere veritatem super predictis dicendo quod non fortiavit nec fortiat aliquam tenutam suprascripto domino Bonomo iudici, confitendo se stare et stetisse in dicto molendino suprascripte et nolebat quod dictus dominus Bertoldus vicarius cogere deberet ipsum Robasomerium ad dandum et solvendum multuram ipsius molendini ipsi domino Bonomo ut per eum petitum est cum ipse Robasomerius staret et steterit tamquam famileus dicte habatie in dicto molendino, confitendo se recepisse et quod recepit omni die multuram a macinentibus qui macinant in dicto molendino nomine domini Girardi habatis dicte habatie, dicendo se nescire quod aliquod preceptum fuisset sibi factum per aliquam personam nec per dictum dominum Bonomum quod deberet reddere de dicta multura ipsi domino Bonomo; unde cum hec et alia ab utraque parte dicerentur et allegarentur, demum visis, auditis et cognitis rationibus et allegationibus utriusque partis, habito quoque super hiis cum deliberatione sapientium consilio scilicet dominorum Gratiadei doctoris legum et Nigri iudicis, talem in scriptis profero sententiam quia per sententiam dico et absolvo dictum Robasomerium a petitione dicti domini Bonomi iudicis tamquam legitimi administratoris filiorum suorum, cum dicta tenuta sit redialis contraentia fructus non veniant in tenuta rediali; expense autem relinquantur in arbitrio iudicantis. Expressionem autem mihi reservo ad pronunciandum cum ignominie acta cause».

Lata est autem hec sententia in scriptis per dictum dominum Willielmum vicarium, sub anno Domini millesimo ducentesimo LXXXVIII°, indictione prima, die sabati IIIIto exeunte augusto, Tridenti in palatio episcopatus, in presentia Bartolamei, Conradi, Henrici notariorum et aliorum testium.

(SN) Ego Thomasius notarius sacri palatii una cum Henrico notario qui dicitur de Viarago dationi huius sententie interfui et eam de precepto et auctoritate suprascripti domini vicarii autenticavi et in publicam formam reddei et signum meum apposui et nomenque meum subscripsi.