PP, 159

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini millesimo CC°LXXX°, indicione VIIIa, die X° exeunte septembri, in pertinenciis Tridenti videlicet infrascripto vineali, presentibus Pelegrino de Pontaldis, Avancio cugnato Nicolai capellarii, Bonaventura nepote domini Bontempi sacerdotis et aliis. Ibique dominus Bontempus sacerdos ecclesie Sancti Georgii, subdelegatus domini Benevenuti abatis ecclesie Sancte Trinitatis de Verona delegati domini pape, ut per quandam literam ipsius domini abatis visam et lectam per me notarium infrascriptum cum sigillo integro et non in aliquo leso evidencius aparepat, posuit in tenutam et possessionem discretum virum fratrem Gerardum confratrem ecclesie sive abacie Sancti Laurencii unius vinealis iacentis in Muralta in loco ubi dicitur Fontana Pioclosa tamquam nuncium et procuratorem suprascripti loci, dando sibi de uvis et terra et vitibus in manibus suis pro intracione tenute et possessionis dicti vinealis, quod vineale laboratur et possidetur per Martinotum filium condam domini Iohannis beccarii et per dominum Vendrandum fratrem iamdicti Iohannis beccarii, cui vineali coheret ab una parte dominus Rodegerius iudex, ab alia heredes condam Berlete, ab alia ********* cerdo et ab alia parte via, et forte alie sunt coherentie, cuius vinealis olim tales erant coherentie: ab una parte dominus Pelegrinus de Porta, ab alia dominus Wichemarius, ab alia Museragnus et ab alia via, secundum quod patuit michi notario infrascripto per quodam publicum instrumentum visum et lectum per me notarium.

Ego Bellinus domini regis Conradi notarius interfui et rogatus scripsi.