PP, 147

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini millesimo CC°LXXVIIII°, indicione VII, die secundo intrante februario, ante eclesiam Sancti Andree de Torbulis, in presentia Martini qui fuit de Dro, Fantoni de Nacu ac Martini condam Villani et aliorum. Ibique Pasetus filius condam Compatebivi de Nacu refutavit sive refutationem fecit in manibus domini dompni Teoldi abbatis monasterii Sancti Laurencii de Tridento infrascriptas pecias terre infra dictas confines, per eum Pasetum obligatas sexdecim libris et sex denariis veronensibus parvis, prima quarum peciarum iacet in pertinentia Naci in loco ubi dicitur ad Ardanum, cui choeret ab una parte Gresta, terra monasterii, ab alia Dolcera, a capite via; secunda iacet ad Dosum Maiorem, ab una parte et ab uno capite Doncellus de Nacu, ab alia parte Monachella, terra monasterii, ab alia Ognabenus caliarus; tercia iacet a Piler, ab uno capite via, ab alio Fiiol, ab una parte Lonbardinus, ab alia ser Bertolotus; quarta iacet a Pyler, ab una parte Fiiol, ab alia Fantonus, ab uno capite et ab alio dosus; quinta pecia iacet in dicto loco, ab una parte Brunatus condam Girardi, ab alia Adelesa, terra monasterii, ab uno capite via, ab alio heredes condam Baudoyni. Talli modo et pacto fecit dictus Pasetus dictam refutationem ad hoc ut Rivabenus condam Panboni qui dicitur Grosus de Nacu dictam terram totam exigere debet hinc ad quinque annos pro dictis XVI libris et sex denariis et habere fruges et redditus hinc ad dictum terminum quinque annorum, non solvendo aliquod fictum de dicta terra dicto monasterio hinc ad dictum terminum cum dicta terra tota sit et pertineat dicto monasterio et fuerit obligata pro dictis denariis per dictum Pasetum et nichilominus dictus Pasetus solvere teneatur totum suum fictum. Et hec pacta omnia facta fuerunt de parabola et voluntate et consensu dicti domini abbatis, eo salvo si dictus Pasetus non exegerit dictam terram in capite quinque annorum, quod dictus dominus abbas investire debeat dictum Rivabenum de dicta terra ad certum fictum ut decebit.

Ego Henricus de Supramonte sacri pallacii notarius interfui et rogatus scripsi.