PP, 139

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini millesimo CCLXXVI°, indictione IIIIa, die dominico VII° intrante iunio, Tridenti [.....] monasterium abadie Sancti Laurencii, presentibus domino Bontempo presbitero, Pas[…], Ruscaço condam Barulle, Augusto et Matheo fratribus de Margono [........]. Ibique Adelpretus çafonus filius condam domini Otonelli, tamquam procurator uxoris sue domine Beatricis, refutavit in manibus domini don Todoldi abbatis monasterii pre[dicti Sancti] Laurencii unum casallem cum canipa iacentem Tridenti in contrata Porte Aquile, cui choeret ab una parte magister Iacobus murarius, ab allia parte heredes [............] via communis et post via que vadit ad stabullos Tridentini p[......] et Çav[…] bobulchi et forte allie sunt choerentie, quem casallem tenebat ipsa domina Beatrix ad fictum ab abatibus dicti monasterii pro VI solidis annuatim, solvendum in kalendis marcii vel in octava; quam refutacionem fecit dictus Adelpretus procurator dicte sue uxoris domine Beatricis procurationis nomine pro ea ut investire debeat Henricum pelliparium filium condam Rodulfi de Cadeno. Unde ibidem dictus dominus don Todoldus, presentibus fratribus Gerardo et Bondino confratribus dicti monasterii, nomine locationis imperpetuum ad usum et ad consuetudinem domorum mercati Tridenti investivit dictum Henricum pelliparium in se suosque heredes et cui dederit de dicto casamento ut superius dictum est, ita quod dictus Henricus et eius heredes et cui dederint dictum casalle habere et tenere debeant et exinde quidquid volluerint facere faciant sine omni contradicione dicti locatoris et eius sucessorum, solvendo fictum ipsi domino abbati vel suis sucessoribus annuatim in kalendis marcii octo diebus ante vel octo post VI solidos veronensium parvorum, et si non solverit in primo anno indupletur, in secundo anno redupletur, et si steterit per tres annos cadat ab omni suo iure. Et habeat potestatem dictus condutor ius suum vendere, donare, in pignore obligare et pro anima iudicare cuicumque volluerit, eo tantum salvo quod si ipse condutor suum ius vendere volluerit, primo denunciare debet ipsi locatori et ei ad minus dare debet XX solidis veronensibus quam allii persone si emere voluerit, sed si emere nolluerit infra XV dies postquam ei denunciatum fuerit vendat cuicumque volluerit exceptis talibus personis que fictum non impediant, habendo locator libram unam piperris pro nova confirmacione, et nulla alia superimposita inter eos fieri debeat. Insuper promissit dictus dominus abas pro se suisque sucessoribus per stipulacionem et sub obligatione omnium bonorum dicti monasterii directum dominium dicte locationis ab omni persona cum ratione defendere et warentare et expedire si dicto condutori impediretur aud ei duplum restituere. Pro qua vero refutacione dictus Adelpretus procurator dicte sue uxoris et procurationis nomine pro ea confessus et manifestus fuit quod ipsa domina Beatrix receperrat et habuerat a dicto Henrico XII libras veronensium parvorum secundum quod in carta vendicionis facta manu mei notarii continetur et renuntiando exceptioni non date numerate et recepte pecunie et exceptioni doli mali, et ipsam pecuniam ipse procurator tempore contractus confessus fuit quod ipsa domina Beatrix in se bene receperrat, et si dicta refutacio valleret plus suprascripto precio vel aliquo tempore vallebit, totum ipse procurator per eam dominam Beatricem eidem Henrico dedit et donavit et ipsum Henricum nomine donationis investivit, et promissit ipse Adelpretus tamquam procurator dicte domine Beatricis procurationis nomine pro ea et convenit per stipulacionem sub omnium bonorum dicte domine Beatricis utille dominium et melioramentum dicti casallis locati ab omni persona cum racione defendere et warentare et expedire si ei impediretur, aud ei duplum restituere in pena dupli dampni, stipendii et interesse in quo vel quibus idem evenerit aliquo tempore, tempore evictionis exstimande vel in conscimili loco sub exstimacione bonorum virorum et per eum se possidere manifestavit. Et dederunt dicti locator et procurator dicte domine Beatricis Ruscaçum testem qui eum Henricum ponat in tenutam et possessionem dicti casallis ut superius dictum est. Et de hoc duo instrumenta uno tenore scripta sunt.

Ego Pascalis notarius domini regis Conradi interfui et rogatus scripsi.