PP, 131

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini millesimo CCLXVII, indicione secunda, die martis XV exeunte maio, in Tridento ante domum habitacionis domini Tridentini Meçasome staçonerii, in presentia ipsius domini Tridentini Meçasome, Tebaldini eius filii, Iacobi filii condam Nicolai de la Dona, Pellegrini piliçarii filii condam Gumpi, Oldorici filii condam Oldorici Crebessi staçonerii et Armanni filii condam domini Armanni de Flemo testium rogatorum. Ibique Iacobinus nepos condam domini Trintinelli burserii precio et mercato finito centum et LX librarum veronensium parvorum quas confessus et contentus fuit et stetit se habuisse, recepisse et accepisse a domino Bonaventura filio domini Boninsigne condam domini Aycheboni renuntiando exceptioni non datorum, habitorum, receptorum numeratorum denariorum et precii et exceptioni doli mali accionis in factum et omni legum auxilio, fecit datam, vendicionem, cessionem, traditionem atque investituram per se suosque heredes ad imperpetuum pro libero et allodio prenominato domino Bonaventure, recipienti pro se et suis heredibus, nominatim de uno suo broylo seu viridario iacenti et posito iuxta Tridentum in Surbano cum arboribus, cui coheret ab uno latere dictus dominus Boninsigna et ab alio latere Pasquetinus notarius et ab uno capite via et Aldepretus Ghebatel staçonerius et ab alio capite flumen Atacis, forte et alie sunt ei choerentie, et si ipsa res vendita plus dicto precio valet et valeret de toto et omni eo quod plus valet et valeret ipse venditor dicto emptori donacionem inter vivos fecit que amplius propter aliquam causam et ingratitudinem revocari non possit, renuntiando rationi dupli et legi dicenti quod «Donacio que excedit ultra quingentos aureos absque insinuacione facta valere non potest set revocari potest», ita quod ipse emptor eiusque heredes aut cui dederit predictam rem venditam de cetero in perpetuum habeat, teneat et possideat cum omni iure, racione et accione et cum introitu et exitu et superiori et inferiori usu et requisitione et cum omnibus pertinentiis ad ipsam rem venditam undique in integrum pertinentibus, et exinde iure proprii quicquid velit facere faciat sine omni dicti venditoris eiusque heredum contradicione et omnia iura raciones et acciones tam reales quam personales, utiles et directas, generales et speciales, mixtas, corporales et incorporales ei venditori propter hanc rem venditam conpetentes et conpetituras ipse venditor dicto emptori dedit, cessit, tradidit atque mandavit et in eum transtulit, constituens ipsum emptorem nuncium et procuratorem tamquam in rem suam propriam et ipsum in suum locum ponens quod possit ita agere, petere, causari, placitare, possidere, exercere, vendicare, defendere et omnia facere de dicta re vendita contra quamlibet personam quemadmodum ipse venditor facere poterat ante istam datam et vendicionem et precii solucionem factam. Et promisit dictus Iacobinus venditor per se et suos heredes dicto domino Bonaventure emptori eiusque heredibus in perpetuum de cetero predictam rem venditam aut cui dederit defendere et warentare et expedire aut dampnum in duplum ei restituere prout ipsa res fuerit meliorata aut valuerit in consimili loco reficiendi in exstimacione bonorum hominum sub obligacione et ypotheca omnium suorum bonorum presentium et futurorum, dando ei emptori verbum et licentiam omni sua auctoritate intrandi in tenutam et corporalem possessionem dicte rei vendite quandocumque voluerit et pro eo se possidere constituit.

Ego Gabriel sacri palacii notarius interfui et rogatus et scripsi.