PP, 125

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini millesimo ducentesimo LX°IIII, indictione VII, die veneris VII intrante marcio, in monesterio Sancti Laurencii de abadia, in presentia domini Gotefredi condam domini Ezelini iudecis, Friderici de Costa, Banalli de Oveno, Çambelli et alliorum testium rogatorum. Ibique Fridericus frater Simeonis spisadri pro precio et finito mercato quinque librarum et dimidiam veronensium parvorum quas confessus et manifestus fuit se accepisse et habuisse a Iohannis Claudi de Ofeno, renunciando exceptioni non dati et numerati et recepiti precii et ipsum precium et solucionem bene in se habere dixit et manifestavit, reffutavit in dominum dum Bonaventuram abatem Sancti Laurencii de Tridento recipientem pro se et nomine ac vice conventus dicti monesterii unam domum hedificata lignamine iacentem in Tridento in hora Vesine, cui choeret ei ab uno latere dictus Iohannes et Morrus notarius et ab alio Trintinus bibulcus, ante Bona, superius via communia et alie sunt choerentes, cum omnibus suis pertinentiis, ractionibus et actionibus, cum introytu et exitu predicte domui in integrum pertinentibus, quam quidem domum tenebat ad fictum a dicto monesterio pro IIII solidis veronensibus anuatim in kalendis marcii octo diebus ante vel octo post. Tali modo fecit reffutationem predictam ut investire debeat dictum Iohannem Claudum de predicta domo et dictus Fridericus dedit, cessit, tradidit atque mandavit ipsi Iohannes omnia sua iura, ractiones et actiones tam reales quam personales, utiles et directas que et quas habet vel habere posset in dicta domo ut possit [.........] ita agere, petere, causare, luere, placitare, experiri et se tueri et omnia facere ut ipse facere poterat nondum facta reffutatione predicta, ipsumque nuncium et procurator ut in rem suam propriam constituit, et si utile dominium et melioramento dicte domus valeret plus dicto precio vel aliquo tempore valebit de omni eo quod plus valeret vel valebit dictus Fridericus dicto Iohannes nomine donacionis inter vivos ut amplus revocari non possit donavit et dedit. Promisit quoque dictus Fridericus per stipulacionem per se et suos heredes dicto Iohannes et eius heredibus in perpetuum dictam domum quam utili dominio et melioramento et iure ipsius ab omni persona cum racione deffendere et warentare et expedire in pena dupli dampni et dispendii in quo ipse Iohannes aliquo tempore evenerit tempore evictionis exstimandi in consimilli loco sub exstimacione bonorum hominum, super omnibus suis bonis dictus Iohannes pignori obligando et per eum se possidere manifestando si per suo facto ipsius Friderici inpediretur et statim per eius interdictum desiit possidere. Hoc facto dictus dominus dum Bonaventura abas dicti monesterii Sancti Laurencii, pro se ac nomine et vice predicto monesterio, iure et nomine locationis in perpetuum ad usum et consuetudinem domorum mercatus Tridenti investivit dictum Iohannem in se et suis heredibus de predicta domo reffutata cum omnibus suis pertinentiis, racionibus et actionibus predicte domui in integrum pertinentibus, tali modo quod ipse Iohannes et eius heredes dictam domum habere et tenere debeat sine omni contradictione dicti locatoris et eorum successorum, ad fictum inde dandum et solvendum omni anno in kalendis marcii octo diebus ante vel octo post IIII solidos veronensium parvorum, et si non solvitur fictum in primo anno indupletur, et si steterit per duos annos quod dictum fictum et duplum non solverit similiter indupletur, et si steterit per tres annos quod dictum fictum et duplum non solverit cadat ab omni suo iure dicte locationis et liceat dicto conductori et eius heredibus ius suum dicte locationis vendere, donare, pignori obligare et pro anima iudicare cuicumque voluerit exceptis servo, famulo neque potenti viro, set si ipse conductor ius suum vendere voluerit, primo denunciet locatori predicto et ei volenti emere XX solidis monori precio quam alii persone dare debeat si emere voluerit, et si emere noluerit infra XV dies post denunciationem ei factam postea vendat cui voluerit preter exceptis personis, habendo ipse locator libram unam piperis per omnia nova confirmacione in alium emptorem factam; alia vis vel superinposita inter eos fueri non debeat. Promisit quoque dictus dominus dum Bonaventura abas pro se et suis successoribus dicto Iohannis conductori et eius heredibus vel cui dederit dictam domum videlicet proprietate et directo dominio ab omni inpedienti persona cum racione deffendere et warentare et expedire in pena dupli locationis predicte secundum quod pro tempore fuerit meliorata aut valuerit sub exstimacione bonorum hominum, super bonis dicti monesterii eidem Iohannes pignori obligando et per eum se possidere manifestando, et dando ei licenciam sua auctoritate intrandi tenutam et corporalem possesionem. Postea die suprascripto, Tridenti ante domum Çanelli, in presentia Pasquali notarii, Hancelini notarii, Piçeti sartoris et alliorum. Ibique Simeonis frater dicti Friderici reffutationem totam illam quam dictus Fridericus eius frater fecit ut superius dictum est, laudavit et confirmavit et retificavit, et firmam et ratam habere et tenere promisit et non contravenire sub obligatione omnium suorum bonorum presentium et futurorum, et pro eo Iohannes se possidere manifestavit.

Ego Iohannes domini Conradi regis notarius interfui rogatus et scripsi.