PP, 110

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini millesimo ducentesimo quinquagesimo quarto, indictione XII, die lune X intrante augusto, sub porticu claustri monasterii Sancti Laurencii Tridenti, in presencia Federici de Costa, Popi filii condam Iohannis Boçi de Valle Solis, Albianni qui fuit de Albiano et nunc habitat apud castrum Tridenti, Çanebelli nepotis domini Martini abbatis predicti monasterii et aliorum testium rogatorum. Ibique dominus Obertus notarius s[y]ndicus et procurator monasterii et collegii Sancti Michaelis pro ipso collegio et conventu, presente domino Martino abbate predicti m[on]asterii Sancti Laurencii, refutavit in manibus domini Henrici presbiteri ecclesie Sancti Appollinari recipienti pro se et presbitero Bontempo vice et nomine dicte ecclesie Sancti Appollinari nominatim unam peciam terre ortalive et casalive posite apud castrum Tridenti, quam dicte sorores tenebant ad fictum a dicta ecclesia Sancti Appollinari pro septem soldis annuatim solvendis dicte ecclesie Sancti Appollinari in kalendis marcii vel eius octavo, cui choeret ab una parte domus una sororum Sancte Anne et terra ortaliva dicte ecclesie et filiorum condam Paxii coci, ab aliis omnibus partibus via a), quam refutationem fecit ad hoc, ut ipse presbiter Henricus pro se et presbitero Bontempo et dicta ecclesia de dicta terra ad modum infrascriptum investire debeat fratrem Bonaventuram conversum ecclesie monasterii Sancte Anne pro ipsa ecclesia et monasterio recipientem. Qua refutatione ibidem facta, dictus presbiter Henricus pro se et dicto presbitero Bontempo nomine et vice dicte ecclesie et eorum successorum, presente dicto domino Martino abbate et eius consensu et parabola, nomine locationis imperpetuum secundum consuetudinem domorum mercati Tridenti investivit dictum fratrem Bonaventuram recipientem nomine et vice dicti monasterii et sororum et fratrum Sancte Anne nominatim de dicta pecia terre ortalive et casalive, ita quod dicte sorores et fratres ipsius et eorum succesores et cui dederint ipsam terram cum omni iure et racione in integrum illi pertinenti habeant et teneant et quicquid velint faciant, scilicet vendere, donare, pro anima iudicare, pigneri obligare sine omni predictorum presbiterorum Henrici et Bontempi et eorum successorum contradictione, solvendo omni anno de cetero semper in kalendis marcii vel earum octavo septem soldos veronensium parvorum dicte ecclesie Sancti Appollinari vel eius nuncio, et si ita omni anno non solverint debent fictum induplare et si steterint per tres annos quod non solverint cadant ab omni suo iure dicte locationis. Promisit quoque predictus dominus Henricus presbiter pro se et presbitero Bontempo et dicta ecclesia predictam locationem videlicet directum dominium ab omni impediente persona in ratione defendere, warentare et expedire aut dampnum in duplum eis restituere sub obligatione bonorum dicte ecclesie Sancti Appollinari, et si dicte conductrices vel earum successors aliquo tempore suum ius vendere voluerint, dominis requirere debent et eis pro XX solidis veronensibus minus dare debent quam alii persone si emere voluerint, et si infra octo dies emere distulerint vendant postea cui velint excepto potenti homini vel servo, confirmantibus dominis investituram pro una libra piperis sine alia superimposita, et sic pro eis se possidere manifestaverunt dando eis licenciam sua auctoritate intrandi tenutam. Pro qua fine et refutatione dictus dominus Obertus notarius, tamquam syndicus et procurator monasterii et collegii Sancti Michaelis, confessus et manifestus fuit accepisse a dicto fratre Bonaventura XV libras veronensium parvorum, renunciando exceptioni non numerate pecunie, quapropter dictus Obertus notarius tamquam syndicus et procurator dictarum sororum promisit dicto fratri Bonaventure utule dominium dicte terre ab omni persona defendere et warentare aut dapnum in duplum ei restituere sub obligatione dictarum sororum Sancti Michaelis et ipsius monasterii.

Ego Çaninus sacri pallacii notarius interfui rogatus et scripsi.