PP, 97

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini millesimo CCLI, indicione VIIII, die VIII intrante ianuario, Tridenti in domo habatie Sancti Laurencii, in presentia Delaiti filii condam Mosti, Wisceti, Negosenti filii condam Bossi de Albiano, Omneboni magistri de Rotis et alliorum plurium testium rogatorum. Ibique magister Vivianus faber refutavit in manibus don Martini abatis monesterii Sancti Laurencii et in manibus prioris dicte ecclesie omne suum ius et omnes suas raciones et acciones realles et personalles quod vel quas ipse habet in una pecia terre cassalive cum domo super eam edificatam, iacenti in civitate Tridenti in hora Sancti Martini, coheret ei de uno capite via, de allio flumine Atessis, de uno latere Çenarinus radarollus, de allio Pretus, de qua solvebat fictum annuatim in festo sancti Michaelis octo diebus ante vel octo XV solidos veronensium minorum, pro qua refutacione dictus magister Vivianus confessus et manifestus fuit se accepisse a Paulo qui fuit de Veçano et modo est habitator Tridenti XX libras veronenses, renuntiando exceptioni non data et numerata pecunia et in se habere dixit; talli vero modo fecit dictam refutacionem in dicto domino abato quod ipse investire debeat dictum Paullum de suprascripta refutacione. Ibi incontinenti suprascriptus don Martinus abas et prior et cum parabolla fratris Gotefredi nomine locationis in perpetuum ad ussum et consuetudinem domorum mercati Tridenti investivit dictum Paulum de suprascripta domo cum omnibus edificiis, pertinenciis, racionibus et accionibus, ingresibus et egresibus, ita ut ad dictam locationem pertinebat ea vero racione ut amodo dictus condutor et eius heredes habere et tenere debeat dictam locationem et possit ius suum vendere, donare, pignori obligare et per animam iudicare cui voluerit tamen solvendo fictum annuatim in festo sancti Michaelis octo diebus ante vel octo post suprascripto domino abato et suis sussesoribus XV solidos veronensium minorum, et si steterit per duos annos quod non solverit dictum fictum quod cadere debeat de iure suo. Et prenominatus dominus abas et sui fratres per stipullacionem promisserunt et convenerunt per se et suos sussessores dicto Paulo condutori et suis heredibus defendere et warentare imperpetuum dictam locationem ab omni persona in racione in pena dupli tocius dampni et stipendii, unde dictus condutor vel eius heredes ullo tempore inde venerit tempore evictionis reficiendi, et dedit ei Petrum qui ponat eum in tenutam de suprascripta locatione, et si condutor vel eius heredes ius suum vendere voluerit in primis denunciare debeat dictis locatoribus et eorum sussesoribus et eis dare ad XX solidos veronenses minus quam alliis si emere voluerit, si vero emere noluerit infra XV dies ex quo dictum erit eis vendat postea cui voluerit salvo iure et ficto locatorum ita quod locatores habeant unam libram piperis et faciant datam in allio emptore. Item in suprascripto anno, mense et die, Tridenti in hora Sancti Petri ante domum Viviani feraris, in presentia Delaiti filii condam Mosti, Omneboni de Rotis, Yssceti et alliorum plurium testium. Ibique domina Trintina uxor suprascripti Viviani feraris laudavit et confirmavit suprascriptam locationem et refutacionem et eam habere et tenere firmam et ratam et non veniret contra per se nec per suos heredes nec per alliam aliquam interpossitam personam, et in hoc cerciorata sive certificata ex certa sentencia renuntiando illis autenticis que dicunt «Si qua mulier», «Sive a me sive ab alio pro me propter nuptias fiat donatio», «proprio viro consenciat» et senatus consulto Veleyano4 et iuri ypotecarum et omnibus alliis legibus, et insuper suprascripta Trintina corporalliter iuravit ad sancta Dei ewangelia dictam refutacionem et locationem, precium et solucionem, imperpetuum habere et tenere firmam et ratam et non veniret contra per se nec per suos heredes nec per alliam aliquam interpossitam personam.

Ego Castellanus qui vocor Otonellus sacri pallatii notarius interfui rogatus et scripsi.