PP, 66

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

Anno Domini millesimo ducentesimo trigesimo sexto, indictione nona, die [................] decimo exeunte decembri, in Tridento in stuppa domus quondam Aymerici de Burgonovo, in presentia domini Olvradini de Enno, Meraldi Buce viatoris, Riprandi de Tovalbo, Tren[ti]nelli de Ravina, Capelli de Romagnano et aliorum. Dominus dompnus Clericus monasterii Sancti Laurencii abbas pro illo monasterio nomine cambii et permuttationis per allodium fecit datum et investituram Gisloldo de domina Beatrice nominatim de quatuordecim libris denariorum veronensium, fictum annuatim quod solvitur de domo quondam magistri Gerardi medici iacenti ad portam Auriolam, cui coheret a duabus partibus via, de retro *********************, ab uno latere Albertinus de Nacu, ita ut dictus Gisloldus eiusque heredes et cui dederit dictum fictum et proprietatem unde solvitur cum omni iure, actione et racione illi ficto et proprietati unde solvitur in integrum pertinenti habeat et teneat, et exinde ad proprium et per allodium quicquid velit faciat sine omni predicti domini abbatis eiusque successorum contradictione; et omnia iura et actiones illi monasterio in dicto ficto et proprietati conpetentia seu quod pertinere posset ei dedit, cessit et mandavit eumque tanquam in rem suam procuravit, constituit ut possit ita agere, causari et omnia facere que idem dominus abbas pro monasterio posset succedendo in suum locum et ius, eique precepit ut inde corporaliter intraret in tenutam, et insuper dedit ei Meraldum qui ponat ipsum in tenutam; et promisit ei dictum fictum et proprietatem ab omni homine racione deffendere et expedire in pena dupli sub obligatione bonorum monasterii, et illud suo nomine possidere constituit eiusque interdicto desiit possidere. Ex adverso dictus Gisloldus nomine cambii et permuttationis ad proprium et per allodium fecit datam et investituram in dictum dominum abbatem pro monasterio nominatim de quindecim libris denariorum veronensium, fictum annuatim quod solvitur per Henvrardum caliarium de domo sua iacenti in mercato, cui coheret de ante via, de retro Ebrardus, ab uno latere filii quondam Alberti coqui, ab alio filius Stenzii, ita ut dictus dominus abbas pro monasterio dictum fictum et proprietatem unde solvitur cum omni iure, actione et racione illi ficto et proprietati in integrum pertinenti habeat et teneat, et exinde ad proprium et per allodium quicquid velit faciat sine omni predicti Gisloldi eiusque heredum contradictione, et omnia iura et actiones illi Gisloldo in dicto ficto et proprietati conpetentia seu quod pertinere posset ei dedit, cessit et mandavit eumque tanquam in rem suam procuravit, constituit ut possit ita agere, causari et omnia facere que ipse possit succedendo in suum locum et ius, eique precepit ut inde corporaliter intraret in tenutam; et insuper dictus Meraldus det ei tenutam et illud suo nomine possidere constituit eiusque interdicto desiit possidere, et promisit idem Gisloldus dicto domino abbati pro monasterio dictum fictum et proprietatem ab omni homine racione defendere, in pena dupli, sub obligatione bonorum eius.

(SN) Ego Matheus de Placentia sacri palacii notarius interfui et rogatus scripsi.