PP, 63

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini MCCXXX sexto, indicione nona, die lune XIIII intrante aprili, in Tridento ante domum Salatini cerdonis, presentibus domino Maximiano canonico, Beleto eius filio, Benedicto notario, Cadenello cerdone, Enrico de Ravina et aliis. Ibique Odelricus filius condam domini Diatemarii de Geroldo nomine locacionis in perpetuum ad usum et consuetudinem domorum mercati Tridenti pro se suisque heredibus investivit Pretum filium condam Viviani de Cadeno, qui modo moratur in Ravina, et eius heredes, nominatim de sex peceis terre aratorie iuris suprascripti Odelrici, que iacent et visus est habere et tenere in Ravina et in illa pertinencia, prima illarum iacet in Semontano in pertinencia Ravine, ab una parte habet Trintinus de Vigolana, a capite Iohannes de Graciana, a latere habet Enricus de Ravina ********; item alia pecia iacet in Braidono, ab uno capite via et ab alio capite via, ab uno latere Enricus, ab alio a) Albertinus; item una alia pecia iacet in eodem loco, a latere habet filia Marochi, ab alio latere Pretus de Adeleita, a capite via, ab alio capite capella; item una pecia t[err]e iacet in Rivalta, a latere habet capella, ab alio latere Pretus et capella et Iohannes et ab uno capite via; item una pecia terre iacet al Meluo, a capite via, ab alio capella, a latere Boninsegna, ab alio filia Marofi et alie forte sunt choerencie, eo modo ut hinc in antea dictus Pretus et sui heredes aut cui dederit habere et tenere debeat dictas pecias terre cum omnibus suis racionibus et accionibus realibus et personalibus, pertinenciis, choerenciis, confinibus, terratoriis intus et extra, quod possit vendere, donare, pro anima iudicare et deinde quicquid velit facere sine ulla inquetacione, contradicione dicti locatoris et suorum heredum, ad fictum de cetero solvendum hinc in antea in omni anno in festo sancti Michaelis dicto locatori et suis heredibus unum modium blave silicet sex staria siliginis et duo staria milei ad starium Tridenti et ad domum locatoris conducere, et si non dederit fictum indupletur, et si dictus Pretus vel sui heredes ius suum vendere voluerit, primo appellare debet dictum locatorem vel eius heredes et eis vendere debet pro XX solidis ad minus quam alie persone si emere voluerit, et si emere noluerit infra XV dies ex quo erit ei denunciatum vendat alio cui velit ad suum fictum solvendum, dando dicto b) locatori unam libram piperis. Et dictus locator laudare et confirmare debet cartam locacionis in emtorem, et insuper dictus locator pro se suisque heredibus per stipulacionem promisit, convenit iamdicto conductori et eius heredibus semper hinc in antea dictam locacionem ab omni persona impedienti cum racione defendere, warentare et firmum habere et non contravenire sub pena dupli damni et dispendii c) in quo dictus Pretus vel sui heredes inde venerit, et dedit ei Enricum qui eum Pretum ponat in tenutam. Insuper predictus Pretus pro se suisque heredibus per stipulacionem promisit, convenit et super omnibus suis bonis obligavit iamdicto locatori solvere in omni anno dictum fictum ut dictum est superius.

Ego Bonamicus notarius sacri pallacii interfui et rogatus scripsi.