PP, 56

Le pergamene dell'Archivio della Prepositura di Trento (1154-1297), a cura di E. Curzel, S. Gentilini, G.M. Varanini, Bologna 2004.

(SN) Anno Domini millesimo CC trigessimo tercio, indiccione sexta, die decimo intrante ienuario, in Tridento, ante domum ubi Oldericus Rese habitat, in presencia Moscardini filii condam domini Arnoldi, Moscardi, Bonvesini, Osteri de Mercato, Panice de hora Sancti Benedicti, Concii, Grocelini, Iohannis et Delaydi testes rogati. Ibique Trintinus notarius cum una carta quam in manu sua tenebat refutavit in manu dicti Olderici Resse unum casamentum tere cum casa superabente et edificiis, iacente in contrata Sancte Marie, de una parte habet Çacharanus qui fuit de Sardagna et Cadenellus caliarus et de alia parte habet heredes condam Riprandi de Simiono, de capite Osmondus filius condam domini Cabardi, de capite via plubica, de qua casamento dictus Trintinus solvebat dicto Olderico Resse XX soldos veronenses fictum perpetualem ad festum sancti Michaellis, ad hoc ut dictus Oldericus Ressa debeat investire dictum Çacharanum et Cadenellum de predicto casamento et cassa in integrum. Unde ibi incontinenti in presencia dictorum testium dictus Oldericus Ressa iure et nomine locacionis in perpetuum ad consuetudinem locacionis domorum mercatus Tridenti investivit cum dicta carta dictum Çacharanum et Cadenellum de predicto casamento cum omni iure et racione pertinente ad dictum casamentum in integrum, ad fictum solvendo dicto Olderico Resse XX soldos veronenses ad festum sancti Michaelis, octo diebus antea vel octo postea, sin autem infra annum indupletur et sic de secundo et de tercio cadant de iure suorum, ita quod suprascripti Çacaranus et Cadenellus habere et tenere debeant et faciant quicquid facere voluerint ipsi et eorum heredes, vendere, donare, pingnare, pro anima iudicare, tamen salvo ficto domini, et si vendere voluerint ius suorum prius denunciare debeant locatori et ei ad XX soldos veronenses ad minus dare debeat quam ipsi ab aliis habere poterint, et si emere noluerit infra XV dies post ei denunciatum fuerit vendant postea cui voluerint excepto servo palam, famullo, potenti militi, et quod locator habeat unam libram piperis pro confirmacione in alio emptori et alia vis inposita inter eos fieri non debeat nec esse debeat. Et dictus Oldericus locator promisit et convenit eis Çacarano et Cadenello dictum casamentum cum tera senper et in omni tenpore warentare et defendere cum racione ab omni inpediente persona in pena dupli dampni et expendii et per eos se posidere manifestavit; et dederunt eis dictum Bonvesinum qui ponat eos in tenutam et in posesionem dicti casamenti, et ibi dictus Trintinus notarius promisit eis dictam refutacionem et vendicionem senper ratam et firmam habere et tenere et contra non venire, et eis Çacharano et Cadenello dictam domum cum omni iure senper et in omni tenpore warentare et defendere cum racione in pena dupli dampni et expendii. Pro qua refutacione et vendicione dictus Trintinus confesus et manifestus fuit se ab eis accepisse XXVI libras denariorum veronensium et renunciavit excepcioni non numerate et date pecunie.

Suprascripto vero die, in Tridento, ante domum Simionis spensatoris, in presencia suprascripti Moscardini, Bonvesini, Bertrami de Sancto Petro et Delai testium rogatorum. Ibique Benvenuta uxor suprascripti Trintini notarii ad dictam refutacionem et vendicionem et solucionem laudavit et confirmavit quam dictus Trintinus eius maritus fecerat in dictis Çacharanum et Cadenellum caliarum, et ipsa renunciavit et refutavit omni iure suo dotis vel donacionis et auxilio senatus consulto Veleiano et iurii pothecarum et cerciorata de omni iure in dicta vendicione et refutacione renunciavit. Insuper dictus Trintinus per parabolam dicte sue uxoris et supra sua anima iuravit ad sancta Dei ewagnelia dictam refutacionem et vendicionem et solucionem senper ratam et firmam habere et tenere et contra non venire, et warentare et defendere eis promisit et non inplorabit restitucionem in integram propter minori etate.

Ego Carinade sacri pallacii notarius interfui et rogatus scripsi.